豐富團年飯

時間過得好快又一年，記得舊年個媽咪因返奶奶到食，只煮午餐同燉湯，準備部份初一到初三的餸，有工人同她媽咪跟咁三點就同她一齊走，呢幾日好忙，每日都再早成個鐘出門，因為要準備初一至初三，早，午晚，燉湯同湯的料，而呢個媽咪初一食素，幾日的餸再加每日的，真係好辛苦但都希望盡量做等媽咪安心坐月同過快樂的新年，年初一就準備合掌瓜什豆素湯，早餐就粟米蟲草花素雞飯，午餐就冬菇雲耳素雞炒甜豆，清炒西蘭花，晚餐就香煎素鴨，清炒白椰花同豆腐，豆卜素雞炒荷蘭豆，另外三個早餐初二到初四，而午，晚餐就初二同初三，初四再返去跟，今日一早煲咗湯同準備部份餸就出門，諗住會搞掂啲嘢會早些少可以走，最後好彩老公收早同我買餸，點知好舍又蝦又飽魚，呢個時間我就一定唔買比，比平時貴成倍，好彩早二日幫個媽咪開始買菜，魚，雞同肉，如果今日先買真係好貴，好似菜心平時靚啲$12蚊，早二日都$18，今日更離譜$24，生菜平時$5，今日要$15，回家已經七點幾，好彩有蒸焗爐幫手，好快手八點開飯