長阪燒

今次小弟好榮幸可參與香港討論區既試食兵團活動，有得免費試食當然開心啦，但其實更重要係可同班網友聚餐，談談享美食及得真係好開心，所以3小時既活動一轉眼就過，雖然我就第一次出席這類活動，但氣氛很唔錯，好正

今次試食餐廳叫長阪燒

餐廳環境

今次試食既食物，大會安排了一套方便網友影相

然後餐廳主廚講解各食物既資料

鰻魚丼:鰻魚都幾厚身，而且個醬汁都幾調得幾夾，整條鰻魚燒得幾靚，肉質亦無泥味，最緊要係處理魚骨方面做得幾好，飯就一般般

一夜干:選用香港出產既馬友魚，魚既size好適中，而且真係要贊下師父，條魚燒得好靚，外脆內嫩，一d都唔過火，但係食落就發覺條魚好咸！唔知係咪製作時，d鹽水落得重手左定燒既時候又落左鹽既關系，如果再調控下就完美喇

碎蔥吞拿魚腩飯:唔係百份百係吞拿魚腩，大廚講明係混了大眼魚落去，所以食落那種油膩味就差些，同埋個賣相唔太吸引，反而整到吞拿魚腩軍艦咁，可能會好些！

軟殼蟹野菜沙律:我無試，因太難分四份了！

串物:分別係牛舌、雞胸軟骨、菠蘿、粟米，牛舌幾厚身，而且燒得剛剛好，入口一d都唔韌，好味，菠蘿都唔錯，雞胸軟骨就唔太脆口，粟米無試

美國牛肉烏冬:大廚講選用牛肩肉部份，因比較有口感及有牛味，我都覺得幾唔錯，烏冬應該係用稻庭烏冬，麵質好滑，湯頭就不過不失

日本叉燒拉麵:賣相就幾討好，叉燒浸得好腍，一入口就溶化，但麵質就有些小粗糙，而且無彈性，我覺得要改量下，另外湯頭都幾濃味下

燒元貝:元貝燒既時間好好，肉質咬落係好鮮甜，好正

燒蠔:隻蠔燒完都唔會好縮水，而且蠔味真係好濃，一點都唔腥架

燒虎蝦:虎蝦肉質咬落都幾彈性及甜味，唔錯

鮑魚:雖然係用九孔鮑，但只要識得燒，亦一樣食得好滋味，這鮑魚咬落好腍身，師父唔會燒到全熟，所以值得一贊

松葉蟹蓋:蟹蓋剛剛燒好，還熱辣辣的，而且裡面唔止得蟹膏，還加了蟹肉的，味道亦唔會好搶喉，如果配上碗白飯撈黎食就正喇

整體磯燒既品質幾討好，最緊要燒既技術好到家，唔會浪費了咁好既海鮮

鹵豬腩肉:豬腩肉鹵得好腍，用筷子都可夾得開，鹵汁調得夠味又唔咸，但有肉既部份肉質較粗糙，影響口感！

蜆肉清湯:無試！

沙白:唔算很大粒，但就好鮮甜，蜆肉好飽滿又無沙

水果:蜜瓜同提子都好甜