【韓國釜山遊】便利店食記。白飯小偷 ♥ GS25 VS CU 即食蟹膏醬

去韓國當然要買番點現在大熱的蟹膏醬試吓喇 !!!

但是各大便利店的蟹膏醬都非常搶手 ...

我們見到便利店都會入去碰下運氣

好彩都比我們搵到幾盒 ...

不過，要注意的是食用期限較短

買的時候要看清楚食用期限

因為我們試過在便利店見到已經過了期的蟹膏醬 ...

蟹膏醬果然是白飯神偷 ...

煮煲飯，開盒蟹膏醬和紫菜

就是一頓簡單又美味的韓式蟹膏醬拌飯餐囉 !!!

不只拌飯，用來搽麵包也不錯的

我們在釜山中央公園賞櫻時，就用了蟹膏醬夾三文治

就是因為太好食，所以周圍搵多幾盒返香港與兩隻為食小魔怪一起食 ~~

韓國便利店 GS25 和 CU 的蟹膏醬都是 3,500WON 一盒

這日入到 CU 不只見到有想搵的蟹膏醬

仲有半價優惠 1,750WON 一盒 ... 開心到呢 !!!

拎了凍櫃僅餘的兩盒蟹膏醬去收銀處結賬時發現 ...

原來要有指定會員咭或 VISA 咭才可享有半價優惠 ...

CU 的蟹膏醬

一打開聞到濃濃的蟹膏香味，拌入附上的麻油更香

蟹膏醬裡面還加入了蟹籽和蟹肉，入口鮮甜又有口感

配上香脆的紫菜和白飯，真是食多兩碗飯的 ...

GS25 蟹膏醬

也是隨盒附上一小包麻油

GS25 蟹膏醬較稀，也加入了蟹肉，蟹肉無咁碎

儍媽較喜歡味道較濃郁也較鮮甜的 GS 25 蟹膏醬

而儍爸就較喜歡加了蟹籽，入口較有口感的 CU 蟹膏醬

為食囝囝囡囡就兩款都咁鍾意 ~~