我到沙田火炭區除了欣賞每年的藝術坊,
這裏也有美食坊,今晚我們完成活動後,
就在一間門面不太起眼的中菜館用膳。
地面投影招牌
原來金悅軒是新張不久的中菜館,
沒有華麗裝修但地方整潔和光猛,
杯碗筷子乾爽,沒有令人不安的笠黐黐手感。
安座後,檢視幾個餐牌之際,
侍應亞姐熱心為我們推介$388四人套餐,
可選燒味拼盤和三個小炒,
並提議皇牌叉燒和燒肉,
三個小菜:鮮淮山野菌浸魚片、
菠蘿咕嚕肉、蜜椒一口牛柳。
有好提議,咁我們又懶得去諗!
於是大家異口同聲都說OK!
先黎每位老火湯,
每一碗嘅老火湯都有紅蘿蔔、
冬瓜同埋豬肉骨、南北杏,
味道我嫌略鹹了一點點,
朋友們就表示可以喎!
餸菜都很快上枱,我哋要咗叉燒、燒肉雙拼,
皇牌叉燒果然夠香,肉質又腍滑,燒肉好脆皮!
隨著傳來陣陣香氣的菠蘿咕嚕肉,
滿滿的咕嚕肉,和鮮菠蘿令大家都急不及待起筷。
很快地蜜椒一口牛柳也上枱,
有許青紅黃椒同埋洋蔥炒呢個牛柳粒,
牛柳粒份量唔算太多亦都唔少,
兩個小炒都好惹味,獻汁收得剛剛好!
第四道是鮮淮山野菌浸魚片,
魚片是龍躉魚片,很重膠質的魚皮很彈口,
豐厚的魚肉吃到很大的滿足感,
魚湯還有野菌、雲耳、杞子、中國芹菜、
腐竹、鮮淮山同埋勝瓜,魚湯味道比較濃郁,
我用魚湯泡飯吃。
加埋四個白飯大家都食到飽飽之餘,
還奉送甜品~~~芝麻糊!
實惠街坊晚飯套餐不加一小費和免茶芥,
人均消費$94。
金悅軒