過去我曾品嚐過部分潮洲佳餚，

比如蒸鵝都是十分美味，

今晚嚟到啟業邨冬菇亭要嘗嘗碌鵝滋味。

 今晚我們的精選：碌鵝皇例$128，

潮洲鹹雞半隻$128，咖喱脆皮牛腩$88，

同埋風味浸大蜆$98（跟煎米粉）。

雖然是冬菇亭是大排檔風格，

但空調開放，地方企埋，都坐得舒服，

企堂亞姐對客人除了落單仲都幾好傾講。

碌鵝皇，企堂亞姐講我知鵝皇

在烹調中要不停在鑊中碌，

讓濃汁使鵝皇匀均入味，

我覺得除汁液了味道得宜，

也看到鵝肉肉質細緻，

和吃到鵝肉獨特的清甜和嚼勁。

墊底嘅潮州蘿蔔又爽又入好味道。

潮洲鹹雞半隻，相信只有新鮮雞才會有埋雞肝、

雞腎同埋雞心一齊上碟，鹹雞鹹香，絶對是吃到

鮮雞味道，那小碟多薑少葱也是我至愛之一。

風味浸大蜆，跟兩面黃嘅米粉，

大蜆好鮮甜肥大肉厚，配合勝瓜粒粒，

爽甜肉碎和炸過嘅金蒜頭，湯底十分鮮甜，

我哋要咗白飯用湯撈飯，

食米粉嘅時候食到米粉的脆面，下面不脆的米粉，

用煑大蜆的鮮甜湯浸吓食，十分可口。

咖哩脆皮牛腩用一個炸好嘅脆皮盛載著，

脆皮牛腩的炸漿係比較薄身不油膩，

裏面嘅牛腩，係炆得好腍滑鮮味，

大家都十分喜歡原汁原味的牛腩，

很快就一掃而空，咖哩汁被我們冷落了！

大大碗白飯都只係$8一碗，

今晚吃得肉類比較多，但吃到不同的美味，

人均消費$119。