咁多位同學仔，
又到咗選科嘅時間喇！
好多同學仔都會擔心前途嘅問題，
家長都唔例外。
中三選科出路問題其實對於中學生嚟講係比DSE更加重要！
點解咁講？
因為中三選嘅科會直接影響到同學仔嘅DSE成績，
如果唔中意又勉強揀嘅話就會好容易考得唔好。
再者，中三選科亦都會影響到大學嘅選科策略，
甚至乎係前途同出路！！
所以咁多位同學仔係中三選科嘅時候一定要謹慎，
否則一失足成千古恨。
係香港，
文科主要有中國歷史、中國文學、
倫理與宗教、地理以及世界歷史等學科。
所謂文科，
係指研究人類社會的政治、文化等作為研究對象嘅科目，
簡單啲講就即係研究人類社會。
而選收文科嘅話，
係香港嘅大學裏面可以簡嘅科都有好多，
好似這語言學(英文、中文、日文)、
心理學、歷史學、考古學、新聞學、
社會學等嘅範疇。
感覺上，文科嘅科目都較以興趣為主，
聽起上黎都好似好得意咁。
不過，
係香港，某啲文學科，
好似歷史學同考古學咁佢地嘅出路會比較窄。
一嚟香港好少有考古嘅團隊又或者係公司，
二嚟香港市場以商業市場為主流，
對於有「文化沙漠」之稱嘅香港，
發展空間有限。
而文科比較多人簡嘅係傳理學同社會學，
傳理學類似係關於新聞嘅科目，
出到嚟可以做記者、編輯等工作；
而社會學簡單啲嚟講可以做社工，
做到政府嘅社工人工都唔錯架。
理科主要有生物、物理、化學、
組合科學同綜合科學。
眾所周知，
讀理科對於大學選科嚟講可以話係萬能。
換句話講，
只要理科考得高分，
係大學有超過八成嘅科係可以簡到！
不過揀理科當然有好有唔好啦，
唔好嘅地方係計數方面會較多，
如果唔叻計數嘅我建議儘量都唔好揀。
咁如果要係大學簡啲理科嘢讀有咩揀呢？
最吃香嘅緊係醫科啦，
除咗醫科呢啲神科之外，
工程科好似土木工程嘅出路都唔錯，
中意數嘅可以讀統計學，
出到嚟做marketing research都幾吃香。
護理學都係一個幾好前景嘅學科嚟架，
依家護士供不應求，
人工自然水漲船高啦，
想係醫學方面發展嘅大家都不妨考慮下！
商科主要嘅科目包括企業、會計與財務概論、經濟同旅遊呢三科，
而企業、會計與財務概論當中會分為會計同商業管理。
係大學可以揀嘅科當然無理科咁多，
不過都唔差架。
常見又吃香嘅商科緊係要數會計同環球商業啦，
不過雖然呢兩科前景好，
但係要數最辛苦嘅工，
都莫過於會計師同ibanker!
會計師嘅工作時間可以話係所有工種之中最長嘅一個，
除此之外，
成為一個正式嘅會計師唔單只係要大學畢業，
仲要考會計師牌！
不過，
一分耕耘，一分收穫，
如果做到合夥人，
人工倍升！
而ibanker亦都係一個爆肝工作之選，
當然啦，人工都係極高嘅行業。
除咗呢啲神科同半神科之外，
商科仲可以揀市場學、人力資源學、
物流學等等。
當然啦，
呢啲科嘅人工緊係無神科半神科咁高人工，
可能一出路只有萬零，
做到管理實習生MT人工可能去到二萬至三萬！
不過商科可以比到您嘅係人溝通技巧同人際關係，
對於出路嚟講其實都係值得考慮架。
睇完三個主要學科嘅大學選科同出路，
讀緊中學嘅大家會點揀呢？
不過係考慮前途嘅同時，
大家都要量力而為，
要睇下自己係咪真係有呢個興趣讀，
唔係嘅話就自前途幾好，
讀唔到大學都係無用架！
(原文: 中三選科出路)
此文章純屬 Tutor Circle Blogger 個人分享，並不代表本網誌立場。
