GBUS 差啲唔記得介紹添 ，全名係Global Business 。
而八大入面較有歷史既係
HKU既IBGM、 CU既GBS 、同埋 UST既GBUS。
冇錯，你睇GBUS個stat的確好似好遙遠，
但係實際上你reach到佢既’minimum score’，
就會guarantee有second round interview，
而如果你dse既成績唔係太突出，
就最好係interview要發揮得好好，
咁當然呢個所謂既minimum score都有返咁上下高，
大概係LQ低少少啦。
相反，你DSE考得好好既，
都唔好太過有自信。
Interview佔既admission score為40%，
即係話就算你係狀元，
但係GBUS都未必收你。
可靠消息就係，
有人攞住接近狀元既DSE成績，
都入唔到A1既UST GBUS。
所以…
難唔難入真係見仁見智:D
睇下你點睇啦~
究竟我可唔可以讀Global Business？
有人會問：
「我中學淨係讀Phy Chem Bio，冇讀過Econ或者BAFS喎…GBUS會唔會唔收我㗎？？」
我只可以話：
少年你太年輕了XD
其實宜家係大學揀科都有好大既彈性，
據我所知都係可能得Medic，
一定要有讀Chem、Physio要讀Bio或者Phy。
大部份科，尤其係Business School，
都唔會特別要求你讀咩科，
最多只可以話你入到黎既時候會冇咁輕鬆。
因為對於大部份人黎講，
佢地中學已經學過一半既野，
而你就要好努力追上佢地。
當然啦，值得留意既係UST既admission score計分方法係
(Eng + Math) x 2 + Best 4 Subjects
而Business School對英文既Requirement，
更加係level 4，
所以如果一早認定咗UST既話，
就記住要谷Eng Math同埋其他最好既4科，
要集中投資啦:D
除咗係technical既層面上,
UST係可以收任何達到佢期望既學生，
學校揀你之外，
當然你都有權去揀學校啦。
究竟自己係咪真係適合GBUS呢個課程呢？
坦白講我到呢一刻都唔係好肯定，
但係我諗我都算有資格話俾你哋知，
GBUS或者單純係Business School係個點既世界 — 兩隻字
競爭
當你以為JUPAS放榜就係你人生既終點，
入到神科做人生贏家既時候…
對唔住，宜家先係你真正人生既開始。
每個人都會忙於整靚自己既CV，
好活躍咁參加唔同既team，力爭上游。
想像下我宜家fm已經感受到，
更加唔駛提之後搵internship，
報exchange既種種comparison同competition。
而且，GBUS係個充滿挑戰同衝出Comfort Zone既地方。
你會有好多機會去衝去闖，
做啲冇諗過會做既野，
接觸好多五湖四海既人，
幫助你更加了解自己同埋將來既路向。
Socialising就更加唔駛提啦，
係Business既世界好多野都係靠人脈，
不斷要同唔同既人打交道，
亦都係個向上爬既好方法。
咁你之後既文章係咪淨係講GBUS㗎？咁無聊？
暫時會集中講下關於GBUS既入學野呀，
同關於interview呀讀書呀既野先，
不過我都明白，
唔係咁多人都咁想了解咁多關於GBUS既野，
所以之後都會嘗試講下，
interview既小技巧
同埋準備公開試既tips既，
甚至係排JUPAS既技巧，
為中六既你地減輕負擔 ，
如果你地有咩主題想了解既都歡迎向我提供意見㗎:D
(原文: GBUS)
此文章純屬 Tutor Circle Blogger 個人分享，並不代表本網誌立場。
