0

做人媽媽要內心強大

小地勤點滴 於 2018-11-11 11:39:13 發表  |  累積瀏覽 418

分類:

11.11.2018

產假後, 以為自己會花很長時間才能適應工作, 結果所有事都好似沒有改變過, 除左我多左個囝. 從前 OT 咪 OT, 沒什麼好記掛的. 現在寧願用埋飯鐘去做野, 只為準時收工.

BB 轉眼間就 9 個月大了, 已經忘記左佢之前未戒夜奶時, 我有幾咁辛苦既日子. 那個時候, 一晚起床十幾次, 不停餵奶換片, 攪到成身屎既日子, 好似好遙遠.

2, 3 個月大時, BB 被證實患有濕疹, 我被 3 姑 6 婆一日重覆幾十次, 怪我依樣個樣, 連老公都話係我人奶有問題, 無支持, 我亦想放過自己, 開始減少餵人奶, 結果 BB 咪一樣繼續有濕疹. 我細妹反而安慰我話, 我有人奶餵, 仲要順產, 已經比佢叻. 妹妹係食全餐, 傷口痛到 1 個月無抱過 BB. 網上太多人太極端, 我唔係唔愛我 BB, 但我亦愛自己, 我迫死自己, BB邊個照顧 ?

唔夠訓, 再正面也會有情緒問題, 有一晚, BB 喊左好奈, 點抱都唔肯, 我個隊友繼續睇電視. 我已經唔想再理個 BB, 我好狠心關房門, 自己走出廳, 我隊友先入去攪 BB, 冷靜左半個鐘, BB 都仲係喊到無停口, 我最終係成晚抱住佢訓.

第二朝, BB濕疹大爆發, 之前都只係臉仔, 今次成個心口都出水, 痴住件衫, 我即刻帶佢去睇醫生. 個刻我好後悔, 尋晚我唔應該鬧情緒, 原來佢個身好痕, 所以喊到唔收聲. 照顧濕疹 BB, 壓力會好大, 媽媽個內心真係要非常強大先唔去反 3 姑 6 婆台.

個囝我生, 唔通我想攪到佢有濕疹再辛苦自己咩 !?不過, 我還是忍下句, 我自問自己 EQ 真係好高. 依張相, 每次睇返都好心痛.

 

就算我識唔識湊個 BB 都好 , BB 還是靠自己慢慢長大. 有時長輩又會話 BB 瘦, 因為話 BB 食好少奶, 每次聽完就算, 心諗每個人食量都唔同架啦, 我咪又係細食. 醫生就話 BB 係中碼同偏高, 如果佢又肥又高, 我依個細碼媽媽點抱得起佢. 最近 BB 又長高了, 比一歲 BB 仲要高, 班長輩先無咁多說話講.

 

 

新手媽媽永遠都好無助, 不過唔緊要, 捱完頭 半年, 咩都唔會再記得. 湊 BB, 唔係考試, 做唔到一百分, 咁又點? BB 都會靠自己長大. 默然回首, BB 已經坐得好好, 識得玩玩具, 濕疹亦在控制範圍內, 算很不錯了.

 

 

 

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"
  • 1874飛飛 於2018-11-13 09:29:54 留言
    BB 已經咁大個, 你好叻, 外人雖也出於好意, 但聽落幾難受
  • 舉報 回覆
  • No.1
  • 小地勤點滴 於2018-11-14 00:50:09 留言
    原文由 1874飛飛 於 2018-11-13 09:29:54 發表
    BB 已經咁大個, 你好叻, 外人雖也出於好意, 但聽落幾難受
    轉眼由1條蟲,變左做大冬瓜。
    唯有啱聽就聽,唔啱聽就笑一下算
    依加真係深深明白當媽不容易
  • 舉報 回覆
  • No.2

最多能輸入300字

累積瀏覽 495687

全部攻略 711

全部回應 4285