0

孩子,對不起 !

小地勤點滴 於 2018-11-14 12:03:25 發表  |  累積瀏覽 235

分類:

14.11.2018

 

準備結婚前 , 有聽過一些關於小朋友在天空偷看未來媽媽既故事. 那時候, 我就在想, 究竟我會被那個小天使選中呢?

 

妹妹曾經問過 3 歲多的女兒, 你為何選擇我當你媽媽. 小公主答, 因為媽媽靚. 妹妹問, 有其他小朋友覺得媽媽靚嗎? 小公主很激動地答, 個到好黑, 我唔會被其他小朋友選擇你, 你一定要係我媽媽! 依番對話好似聽落好奇怪, 但一個得 3 歲多既小女孩卻充分表現了對自己媽媽既執著.

 

每次我話小公主似爸爸, 佢一定會喊 "我唔要似爸爸, 我要似媽媽" 笑死, 但好可愛.

 

當我期待以久既小天使來到依個世界, 我都好想問佢, 點解選中我? 可惜佢仲係連爸媽都未識叫既 BB.

 

產假完結, 跟 BB 分開, 每日趕住去奶奶家中探望佢, 再拖住疲憊既身軀返屋企. 回家就很冷清很空虛, 而且每每都有內疚及謙意. 當你開始長大, 我發現我錯過了你好多個第一次, 我只能靠老爺奶奶傳比我既相片, 短片去見證你既成長. 我經常擔心, 你唔會認得我. 雖然你每每會用笨拙既行動去證明, 你知道我是你媽媽, 一見到我, 就咩人都唔要, 正要我抱. 好重, 但好幸福 !

 

Facebook 見到一篇文章 " 孩子, 對不起" . 的確, 很對不起, 你很愛我, 我亦很愛你, 但我不能夠好似其他媽媽咁樣偉大到拋開所有, 放棄工作, 擁抱你.

 

我不夠極端 我很理性

放下工作 我養不起你

拿起工作 我陪不了你

 

A Level 題目, 每日出現 " 愛情 " 與 " 麵包 " , 我不會解答. 我做不到 100 分媽咪 , 請你原諒我, 但別放棄我 !

 

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"
  • 1874飛飛 於2018-12-09 23:14:18 留言
    雖然時間少些, 佢會感受到媽媽的愛的
  • 舉報 回覆
  • No.1
  • 小地勤點滴 於2018-12-10 18:11:41 留言
    原文由 1874飛飛 於 2018-12-09 23:14:18 發表
    雖然時間少些, 佢會感受到媽媽的愛的
    希望佢唔會唔記得我 ?
    好多媽媽一返工,個 BB 就會嬲佢,仲會唔踩個媽媽。
    好彩呀囝無咁對我 ?
  • 舉報 回覆
  • No.2

最多能輸入300字

累積瀏覽 447451

全部攻略 710

全部回應 4283