Interview Skills 自我介紹 工作篇

又到咗大學生搵工嘅季節，

每年去到呢個時候大家都會好擔心，

Send咗幾百封CV出去又無回音，

有回音嘅時候又擔心面試嘅表現。

其實如果去到面試階段嘅話已經有5、6成機會入到架喇！

你諗下，HR肯曬時間見你，

仲唔係有機會入到？

不過，

大家都要注意一下自己嘅面試表現，

唔係好易「臨尾香」！

所以今次尋補就為大家講下面試嘅技巧，

特別係自我介紹。

No.1: 控制時間

自我介紹切忌過長，

好多人以為自我介紹有幾多講幾多，

諗到就講晒佢。

其實係唔啱架！

首先，

太多嘅資訊會令到HR覺得好悶同冗長，

試諗下，

個HR可能已經聽咗好多似呢啲嘢，

再講咁長只會令佢覺得悶同煩。

另外，

講太長好易會出錯，

姐係講多錯多，

如果有啲嘢係作出嚟嘅就儘量唔好講太多，

一陣比人問到口啞啞就麻煩喇！

講得太少又唔好喎，

原因好簡單，

因為佢會覺得你嘅能力同知識有限，

睇唔到你有咩潛在價值。

No. 2: 50%自己 50%Career Path

好多人係自我介紹嘅時候會淨係講自己啲嘢，

講完名講性格，講完又講興趣。

小編唔係想話講自己唔好，

講自己嘢可以令到HR更加了解你，

不過佢可能會覺得你無考慮過你對公司嘅益處！

所以，

係自我介紹嘅時候千其唔好齋講自己呀。

小編嘅建議係一半講自己，一半講你嘅Career Path

講自己可以講啲特別啲嘅體驗同得著，

好似Exchange呀，Intern呀，

甚至係一啲特別嘅技能好似語言呀Coding等等。

而Career Path可以講下自己對果行嘅認識，

對果行嘅了解同興趣，

可以嘅話都盡量連番住你In緊果間公司，

咁嘅話，

你就可以係講到自己有啲咩Value可以比到公司，

大大增加你嘅入職機會。

No. 3 Soft Skills

Soft Skills 呢個因素可以話係非常關鍵，

亦都係最難學嘅一種。

所謂Soft Skills，

姐係一啲對工作無直接用處但係有間接幫助嘅嘢。

簡單嚟講，

自信心係非常決定性嘅因素。

今次嘅面試技巧自我介紹篇就去到呢到，

最後祝大家搵到自己嘅Dream Job！！

(原文: 面試技巧自我介紹)

此文章純屬 Tutor Circle Blogger 個人分享，並不代表本網誌立場。

搵[url=https://www.tutorcircle.hk/case-list.php]私人補習[/url]？