首次東京。１月。２０１９年。頭文字ＤＣａｆｅ（Ｄａｙ２）

１２－１６。０１。２０１９

今早當所有人都去左車展，我跟ＢＢ就留係酒店食早餐及再訓覺。

行程每日都會有買ＢＢ物品的商店，因為成班男人都係人地老豆，不停去買買買。。。爸爸睇中依個小背包，但ＢＢ唔太鐘意。

正係知道要去一間好遠既Ｃａｆｅ，我仲幻想會有Ｐａｎｃａｋｅ食以及佈置好夢幻個程。真係好遠，所以係中途站休息下，食少少野。

間Ｃａｆｅ係深山咁。九曲十三灣，差點想嘔。。。班男人就話作為一個車手，一定要揸過依條路。後來我先知，原來依到就係榛名山五連髮夾彎，頭文字Ｄ迷必到既地方。

我地黎到既時候，已經接近４點半，天開始黑。我抱住ＢＢ想影多張相都難。

Ｃａｆｅ原來無咩野食買，真係正飲咖啡咁樣。班男人好開心，小地勤就陪襯下咁。

大朋友去完車展，再到頭文字ＤＣａｆｅ朝聖完，係時候到ＢＢ仔車展。

日本真係有好多好新既二手玩具買。老公朋友黎緊生孖Ｂ，係到就買左部二手孖Ｂ車，７００蚊，好新，抵玩。

日本好似好多小朋友設施，一間小店都有兒童區，ＢＢ好似好開心咁。