黑牛黑豬烤肉店

早幾日一行四人去了深圳灣食野，在深圳灣關口搭公巴去M409沃爾瑪

這間黑牛黑豬烤肉店在花園城商場裡面，之前經過時，見到午餐都有幾多優惠，好像幾唔錯的

午餐優惠

環境很乾淨企理，一點都唔迫及油煙

這店係用電爐，每燒完一次烤肉，就有專人更換，很細心

睇完餐牌後、我們點了紫菜包飯、石鍋拌飯、大醬湯、五花肉、牛舌、厚切五花肉、炒什錦粉絲、雞脾肉、雪龍牛排骨肉、百香沙棘汁、啤酒，埋單$494蚊，但我們用了大眾點評優惠卷可減$50蚊的

免費小食，竟然無泡菜，但個醃蘿蔔好脆口，個醃醬幾美味，加上又夠凍

蔬菜盤:唔洗錢的

青瓜:我叫職員拿的，因為食烤肉配青瓜可解一下口腔既油膩

醬油及味粉

大醬湯:無試

紫菜包飯:材料都算可以，裡面都有些牛肉絲的

炒什錦粉絲:味道都幾好，裡面配菜亦好足，朋友話炒唔錯

石鍋拌飯:賣相整得唔算好睇，味道亦一般

五花肉:肉的賣相幾靚，好新鮮，入口好香豬肉味，加上有些油花，令到肉質一點都唔粗糙，而又還有彈性的

厚切五花肉:呢個係厚切的，烤到兩邊蕉蕉地，表面咬著好脆口，好正

羊肉花:很有羊肉味，但一點都唔羶，好正

雞脾肉:這部位既肉質係最好，但價錢我覺得貴了點，因份量唔多，不過肉質係幾彈性既

牛舌:睇到花紋已知係靚貨，原本想點厚切的，但朋友話點薄既黎試下水溫先，點知係咁好食的

雪龍牛排骨肉:呢碟牛我覺得真係超值，雖然係好碎下，但油花好靚，入口甘香，朋友大贊好美味

大麥茶

百香沙棘汁:無試，其實這杯係送的，我朋友點贊就會有，但唔知點解張單又收了錢，事後才知，同埋午餐亦無計算到優惠，但就用了大眾點評平$50蚊優惠，亦叫朋友聯系對方問個明白

雪糕係免費任食的，有牛奶味同蜜瓜味，我就試了蜜瓜，味道都可以，而且唔會很甜，特別個甜筒好脆架

單據

整體這店環境及服務真係幾好，職員很主動及親切，亦會幫客人烤肉，但我覺得自已親手烤會更好heehee，他們烤牛肉會太過熟的！而且烤完一款肉類，個烤網會即時更換的，而且價錢算幾公道，肉亦夠新鮮同唔係平價貨，我們一致覺得會很想返轉頭幫襯的一間店^^