2019年5日4夜帶著媽遊台北歎美食之旅-day4

今日天氣非常好，又陪我媽在酒店食早餐，之後出發去龍山寺

到了龍山站，我要先去食個早餐先，在前面方向走過去

這間橋下蚵仔湯之前都幫襯過，因為d蚵仔好食，所以要再黎

這店很簡單的只賣幾款食物

東石蚵仔，每粒都好肥

坐低後就點了乾米粉、乾蚵，埋單$110蚊

乾米粉:正正常常撈米粉

乾蚵:每粒蚵仔都好新鮮，一d都唔腥的，而且帶點九層塔既味道，都幾夾

就在橋下蚵仔店前幾個舖位勁多人排隊，頭先行過已見到，食完蚵仔又想去排下隊，如果這店係好老字號的，他們的油條好出名架，但可惜當我排到一半時，收到職員通知秶飯及油條已賣完！只好留待下次吧......

龍山寺都黎過幾次，帶啊媽黎拜下同睇下裡面既浮誇雕刻

裡面多了好多東南亞既遊客！香火鼎盛

逛完龍山寺後，我們慢慢行去西門町，途中穿過新富市場

呢些佛手瓜好貴下！

轉下眼就到了西門町

呢間老天祿真係好少遊客

午餐會去程味珍，以前見都有唔少網友講這店幾唔錯的

程味珍都係點滷水食物較多

點餐紙

另外滷水食物要自已去夾的，同埋要磅下才知要付幾錢

魯肉飯:魯肉有點偏咸，但都可接受既

豬皮:都幾有膠質，處理得幾乾淨，滷汁比較偏甜

蘿蔔:蘿蔔味很濃，唔錯

滷蛋及豆腐:普通

乾意麵:還可以

大合照

食完程味珍都覺得唔夠滿足，行幾步就見到富宏牛肉麵原來就在附近

富宏牛肉麵出名比較平民，但質素很有水準的

牛肉麵有分大、中、小的，價錢差不遠，我點了中的，份量好足，湯頭顏色幾討好

我先試下啖湯，有淡淡既牛味，入口幾順喉，完全唔覺有味精的，牛筋軟硬適中，麵條亦夠軟身，絕對係超低食，而且d麵係可免費加一次的！湯頭就任加

還有一包飲料送的

食飽後又繼續行街

今次黎較多人幫襯的老天祿，要買鴨舌俾家姐

行完西門町，就去中正紀念堂

途經總統府

現在中正紀念堂已改名叫自由廣場！

中正紀念堂側邊公園都種了很多梅花及櫻花

今次就係櫻花盛放

中正紀念堂附近有個南門市場，裡面都好多手信賣的

不過我要先買杯珍煮丹先，雖然香港都有，但台灣價錢就平好多呢

黑糖珍珠鮮奶:我已點少甜的，所以甜度剛剛好，珍珠都幾彈性，鮮奶同黑糖好夾的，唔錯

好多新鮮水果

我們去了快車肉乾買手信，但我其實唔建議大家黎總店買，因我回港後，拿出黎睇下到期日，原來還有兩個星期就到期的！明顯被掉包了......

晚餐帶了啊媽去鼎泰豐，我地去sogo 復興分店，但要等一個半鐘才有位，只好周圍行下啦

店外可睇到職員在包d小籠包，裡面環境都乾淨

睇完點單紙後，就點了小菜、小籠包、蟹粉小籠包、酸辣湯、蝦仁蛋炒飯，埋單$896蚊

小菜:這個係涼拌，普通

小籠包:先試個小籠包，皮薄汁多，味道依然沒變

蟹粉小籠包:雖然蟹味唔算很濃，但都算唔錯

蝦仁蛋炒飯:炒飯係我媽的最愛，這碟飯真心炒得幾好味，而且蝦既份量都幾多，蝦仁有彈性，好味

酸辣湯:其實我次次都知鼎泰豐既酸辣湯係偏酸的，唔係我鐘意的，但每次都忍唔住要點！下次問下d醋可否另上先heehee

單據

食飽後就返酒店休息