帶著 BB 去北海道 / 2019 / 五月 / 七日六夜 / 打卡之旅 / 函館飛車去旭川 / 登別地獄谷 ( Day 4 )

21.05.2019

今日我地離開函館了 . 一早起床已經落雨 , 整個行程唯一的下雨天 . 他們有他們繼續行朝市 , 大人嘛 , 大雨都無咩所謂 . BB 就跟我留係JR 站附近的商場 Shopping . 終於有時間行下買下手信 . 跟 BB 兩個人去行街 , 其實仲輕鬆 , 唔洗要照顧班大人 , 又要睇住個細 .

因為我無份去朝士早餐 , 所以中途佢地放我去食壽司 , 7 碟唔洗 1000 Yen . 真心抵 .

老公同老爺就去另一間店食牛 . 生完 BB 後 , 我已經回復以前咁樣 , 唔太喜歡吃肉 . 見到咁生既肉就怕怕 .

食完午餐又到一小時 Shopping 時間 . 去左 Birthday 買 BB 即食粥 , 濕紙巾以及特價衣物 , 基本上貴過 500 Yen , 我都唔會買的 , 哈哈 ... ... 爺爺 , 陪佢玩 , 小地勤就四圍行 .

小朋友大個了 , 自己要選鞋仔 , 佢真係好鐘意藍色 . 之前我買左對靴比佢 , 佢點都唔肯著 , 好有性格 . 自己選左對鯊魚鞋仔 , 好鐘意 , 爺爺就即刻買比佢 . 老人家買野係唔睇價錢的 , 個孫鐘意就實買 . 幸福小寶寶 .

基本上依到既玩具 , 佢都有 , 因為佢有一個好鐘意買玩具既表姐 . 二手物資勁多 . 我很環保 , 亦好姑寒 , 我唔介意用二手野的 .

終於黎到登別地獄谷 , 日本太多誘惑 , 攪到我地不停停車買買買 ... ... 落過雨 , 所以今日煙霧迷漫 , 好似仙境 , 好夢幻 .

我係一個溫柔的媽媽 , 表面咁睇 . 依張相好溫馨 , 好有愛 .

佢係奇怪的爸爸 , 正係擺埋奇怪 Post . 個囝又學佢 !

因為真係好大煙 , 好濃味 , 所以行左陣我地就去左商店睇下 .

間歇泉 , 好大聲 , 應該用震耳欲聾黎形容 , 覺得個地下係到震緊 . 個下個心都幾驚 . 地球有時都會發嬲 . 雖然一早通知左酒店會 Late check-in , 但 6 點幾酒店問我地係邊 , 個下好驚無房 , 所以直去旭川 .

由函館開到旭川 , 都係第一次 , 5 個半的車程 , 車手表示好攰 . 因此搵左個地方休息下 , 換另一個車手頂上 .

BB 車手 , 架車唔郁就係到叫媽媽 . 比卡超購物車 , BB 車手開左半小時既車 , 都唔願走 .

終於黎到酒店 , 旭川酒店比較便宜 , 依間 2 床房比相中仲大 , 連稅不用 HKD 300 . 不過朋友話正常去北海道玩 , 好少係旭川過夜 , 所以先咁平 .

晚餐其實很豐富 , 有甜蝦 , 有帶子 , 有毛蟹 , 有壽司 , 有烏冬 , 仲有黑毛豬肉片 . BB 回到酒店沖完涼就乖乖訓覺 , 我地就慢慢享受晚餐 . 飯後甜品係士多啤梨同赤肉哈密瓜 . 北海道多美食過沖繩 .