尋晚又係
Nuffnang活動嘅時候, 專程到MCL將軍澳戲院睇<午夜再來嚇3>, 其實我一向去戲院好怕睇鬼片, 好似要俾錢嚇自己。但今次難得免費請睇戲, 就當訓練膽量吧!
前兩集《午夜》我都無睇過, 但大概講Katie兩姊妹分別惹鬼纏身, 令全家遇害不得好死。第3集故事就追索番1988年, 揭開佢哋成日俾鬼搞嘅真相。故事一開始, 男主角只係發現Katie自言自語, 成日幻想身邊有個叫Ruby嘅朋友, 點知發現屋企無端有怪聲就萌下疑心, 喺屋企set camera去固定攝錄某幾個位置, direct cinema所呈現的強烈真實感是整套電影的成功之處, 寫實嘅手法容易令人投入。的確, 起初我覺得套驚悚片只是碎料, 節奏頗為緩慢, 直至女主角伏在衣櫃裡彈出來嚇男主角的一刻, 我好想摺檯走人嘅衝動。
原來....我太早妄下判斷, 好戲在後頭, 一幕幕驚嚇嘅鏡頭呈現眼前: Ruby突然扯妹妹頭髮、吊燈無故墜下、客廳所有傢俬從天而降......最令我驚惶失措嘅, 莫過於係妹妹同cameraman喺漆黑廁所內大嗌三聲"Bloody Mary" !? 男女主角最終的下場避不過「慘死」, 而且死狀血腥駭人! 記憶有點零碎, 因為到最後我驚惶得失控, 即使我嘗試分散自己注意力,有50%時間唔敢望個screen, 但我依然瘋狂尖叫, 成為全場嗌得最大聲的一位。
步出戲院, 大部份bloggers嘅心情仍未平伏, 最後只有
Kenton同
七月詳細講到最後的內容。而另一位blogger兼我大學好友
Asathor更表示, 她放工由大埔搭的士到將軍澳的決定, 是值得的。
想襯萬聖節前睇<午夜再來嚇3>? 不妨click入YouTube Trail先睹為快!
