帶著 BB 去北海道 / 2019 / 五月 / 七日六夜 / 打卡之旅 / 余市 / 神威岬 / 小樽運河 ( Day 6 )

23.05.2019

第一次帶老爺奶奶去北海道時 , 他們在札幌薄野個邊的拉麵橫丁吃過一碗即燒叉燒拉麵 , 自始每次去北海道都要返去果間 "弟子屈" 食返起碼一次 .

今年我地帶住 BB , 如果去返拉麵橫丁的  "弟子屈" 會有點唔太方便 , 因為那間店比較細 . 意想不到係去余市途中遇上一間很大間的分店 .

對比之下 , 依間店的確無拉麵橫丁那間好吃 , 叉燒不是用碳火即燒 . 所以下次都係去返拉麵橫丁比較好 .

余市酒廠係必備節目 . 今天遲左到埗 , 限定版都被掃光了 , 可惜 .

依對杯 , 我覺得好靚 , 但小地勤係一個好節制的人 , 影左相就算 . 它日 , 我發左達 , 我再返黎搵你地 .

試酒區比以前姑寒左 , 每人 Passport 登記完後 , 只限 3 杯酒 , 從前任攞任試 , 可能太多無節制的人了 .

未飲先醉 B . 媽媽的心聲 , 訓覺都可愛過人 . 自己孩子就是寶 , 哈哈 !

余市酒廠的環境很美 , 每次黎到 , 都重覆又重覆地影相 .

櫻花季節時 , 係好靚 . 今年櫻花早開了 , 幸好都遇上杜鵑花 .

這種紫色的花 , 亦很常見 . 但我唔知道佢叫咩名 .

余市酒廠有好多打卡位 , 連埋日子咁影 , 一定唔會忘記 .

行完一圈 , 幫 BB 影下相 , 我地就去左一個新景點 . 沿途遇上一間直賣所 , 根據經驗 , 實有好野買 . 果然奶奶買左好多干瑤柱 , 我地就發現了甜蝦雪榚 , 聽聞海膽季節就會有海膽雪糕 , 日本係一個可以將所有野都制做成雪糕既地方 .

終於黎到神威岬 , 一心諗住可以行下山 , 放空一下 , 吸收下新鮮空氣 , 再影返一輯靚相 .

想像永遠是美好的 ...

女人敢地個邊禁止進入 , 的確風很大 , 有我的照片都係披頭散髮的 , 無一張相見得人 , 張張都好狼狽 . 比個景大家睇下 .

另一邊是通行的 , 我好想去 , 因為整座山頭都係金黃的芒草 , 真係好靚 .

但每次去到景點 , 我的小 BB 就睡覺 , 其實我孭住佢 , 根本無影響 , 但長輩們總會趕我返上車 ... 佢地就自己繼續行 ...  我老公好好心咁影完相 , 即時 Send 比我睇 ... 咁算黎過咩 ? 我係 Google 用眼睛去旅行都得啦 T.T

回程已經天黑了 , 小樽人影都無一個 , 路邊小店都關門了 , 所以住小樽的話 , 會無飯開的 .