晚餐之南乳雞翼

今日雖然星期日都一早起身，因為大女要返工而我又參加咗一個嬰兒護理指導師，見還未開工又可見識下，時間喺早9點到下午3：30左右，呢個喺一個agent搞的講座名為“準爸媽湊B實戰工作坊” 搞掂哂食完早餐好早就出門，怕交通問題又唔太熟路，點知早咗半個鐘到，還未有人等咗十幾分鐘開始有工作人員set場，我見無所事事問有無嘢幫手，其實都係第一次當然咩嘢都唔知，跟住都幫手set每個檔的物品，同BB沖涼要準備的物品，浴盤，綿花...等的工具，差唔多搞掂啲人開始入場，原來有2場，每場都有過百人參加好熱鬧，雖然二場但有部份都唔同，又好似上堂咁有得著，剛開始時有其它同行同我傾談而且聲線都好大，我就叫她細聲，其實都應該專重講師，雖然今日我哋唔係上堂，跟住我就喺到聽無再理她，她就搵其它幾個一齊講，真係感到好嘈，但我又唔可以離位，只好專心聽當上多一課，有一part喺個醫生分享應該順產還是剖腹，講咗好多例證，都有講到私家就通常最後開刀多，同我感覺啲媽咪喺私家生想順產機會喺好難，通常到最後都一定開刀，而喺政府順產就比較容易通常無事就唔會開刀，又講咩嘢喺無痛分娩，又叫啲媽咪唔好聽人講太多影響自己的選擇，聽完覺得呢個醫生好好喺唔會想收多啲錢同自己的時間就安排媽咪開刀，聽完感覺有得著，第二場其中一部份就無醫生分享轉咗講坐月的好處同注意咩嘢，每場都有安排時間啲準爸媽去到我們的counter睇我們點樣同BB洗面，換片，沖涼同著衫....等，好快2場就完，有啲媽媽就好認真問好多嘢，有啲可能只得3-4個月未知有咩嘢問，今日好開心能夠有機會參與真的有得著，當完場後睇電話更開心細女可以出院，她雖然還未好但話都可以，1月安排返去覆診同再照，阿囡自己都緊張只得返下星期實習就完semi 怕趕唔切無時間再安排到老師睇堂畢唔到業就更麻煩，返到去呢個愛食的囡又想食雞翼，咁就買咗雞翼快手醃咗快入味的南乳，老公就幫我買定菜同魚，細妹又過嚟食咁就再加料，開心愉快的一天

將雞翼解凍塑乾水後先用酒撈勻再加一磚的南乳撈勻在雞翼到就搞掂

醃好的雞翼入鑊先大火煎2邊後慢煎熟就食得

 第一次參加當然要留影

 自己睇的counter

 當然有個BB先做到示範，但呢個B好硬都有啲難，令我諗起讀陪月時8成似的萬月B

 洗面沖涼都要準備的物品

還有免費午餐都好豐富，我選咗糊椒豬肚湯飯配咖啡，合飯實在太多只食咗3份一