帶著 BB 去姬路 / 廣島 / 四國 / 2019 / 九月 / 八日七夜打卡之旅 / 和平紀念公園 / 向四國 (松山) 進發 (Day4)

03.09.2019

其實我地黎廣島主要係想見識一下 " 日本三景 " , " 廣島蠔 " 以及 " 和平紀念公園 " . 我們預定今晚 9 點前要去到松山 , 因此早上就買定早餐來到和平紀念公園野餐 .

原來係和平紀念公園都可以坐船過去宮島 , 不過應該唔多船 , 所以無咩人會咁做 .

依個公園環境好清幽 . 今日仲要風和日麗 , 真係好適合野餐 .

歷史令依個公園增添左一點點既優傷 . 好多地區都有擺放被原子彈催毀後的照片 , 給人一種強烈既對比 .

日本興建依個公園既目的 , 並唔係要國民去記住仇恨 , 而係要供奉喪生於原子彈攻擊的犧牲者和祈禱永久的世界和平 . 依點我覺得好值得敬佩 . 戰爭就係殘忍 , 永遠都係人民最無辜 .

離開和平紀念公園後 , 我們繼續係市內閒逛 . 當然少不了百元店跟激安之殿堂 .

很喜歡吃 " 爽 " , 水果味 , 有果粒 , 似沙冰 , 天氣熱 , 來一杯 , 正 ! 我見香港 7 仔賣 20 蚊的 , 日本通常賣 10 蚊 , 平一半 , 所以都只在日本吃 .

計劃要去既地方都已經去了 , 所以約中午 3 點 , 我們就離開廣島 , 向下一站進發 . 由於路程的確有點遙遠 , 所以車手爸爸需要中途前往二手店輕鬆下 . 尋寶是老公的樂趣 . 教壞埋個細 ...

自駕遊時會途經很多道站 , 行程唔趕 , 我地都會落車走走 , 伸展一下 .

在日本 , 24 小時真係唔夠用 , 行下街 , 開下車 , 就無左一日 .

香港人最愛的餐肉蛋飯 . 在日本可能係當地名物 .

3 個小時的車程 , 對車手爸爸來說 , 不算什麼 . 轉眼間就來到四國了 .

今次間酒店跟 Agoda 照片及介紹完全不一樣 , 明明寫住我 Book 左 PREMIER 館 , 卻比間 " THE SECOND " 我地 . 明明介紹話係一張 " 雙人床房 " , 卻換來一張 " 單人床房 " . 我老公係酒店同佢地講左好耐 , 但溝通不良 . 而且太夜入住 , 唯有將就一晚 ... 結果老公訓地下 . 第 2 朝 , 我老公又去嘈 , 酒店先比返PREMIER 館我地住 , 終於係一張正常的雙人床 ... 我地懷疑因為我地好夜先到 , 佢無曬 PREMIER 館 , 所以迫我地去 THE SECOND ...

唔開心既事就唔好再提 , 係酒店沖完個涼 , 就四圍行下 , 同我地預計既一樣 , 果然好冷清 . 好彩日本真係好多 24 小時既連鎖餐廳 , 否則就慘了 .

上年錯過了的道後溫泉 , 今年終於黎到 .