帶著 BB 去姬路 / 廣島 / 四國 / 2019 / 九月 / 八日七夜打卡之旅 / 金刀比羅宮 (Day6)

05.09.2019

今日行程只得一個 , 就係金刀比羅宮 .

離開松山市向香川縣進發 . 路經石鎚山道站 , 咁又買左個西瓜 , 堤子跟桃 .

小地勤已經係第 2 次黎金刀比羅宮 , 我地專登去返上次泊車個地方泊車 , 孭起 BB , 準備征途 .

金刀比羅宮被譽為日本最難參拜神社之一 , 要攻上頂 , 差唔多要行一千四百級樓梯 .

輕鬆地完成一百級 , 當時小地勤那來的自信 .

初段唔算難行 , 有小食店 , 有手信店 , 有汽水機 . 記住買定 2 支水上山 ... 之後無水買 !

上年 , 我們只行了一半路程 , 買了一個金色的御守 , 今年 , 我們的目標係奧社的黑色御守 .

很快就行到黎五人百姓賣糖的地方 , 距離正殿仲有好遠路程 . 依段平路 , BB 都有份參與 .

BB 靠自己 , 都行左幾十級樓梯 . 沿路有人同佢講 " 加油 " , 好多香港人讚佢 " 叻仔 ".

越黎越接近正殿 , 小地勤行到成身濕曬 , 成頭大汗 , 想買支水都無 , 所以記住買水上山 .

終於黎到正殿 , 依到有免費糖派比遊客食 . 係能量糖 .

終於到爸爸接力 .

依段路 , 無咩遊客 . 入左山 , 亦無咁熱 . 不過小心蚊虫 , 小地勤被一隻好大隻既飛虫追住咬 , 真心驚 .

仲要行多四百級樓梯先到奧社 . 我地真係好誠心 .

行多一段路就到 , 我們互相鼓勵 , 沿路亦有日本人同我地打氣 . 的確 , 我地好搶眼 , 因為我地係孭住個 BB 上山 , 雖然佢得歲半 , 但生得比較高大 , 好有份量 .

真係要影返張到此一遊既紀念照 , 終於完成一千三百幾級樓梯 , 黎到奧社 .

山上風光真美好 . 咁難先行到上山 , 說好要買半打的御守派家人 .

呀仔 , 將來你大左 , 睇返媽媽個日記 , 你就知道爸媽幾錫你 . 再難行既路 , 我地都願意孭起你 .

一來一回 , 我地合力孭住 BB 行左接近 2 千 8 百級樓梯 . 很累 , 但心靈很滿足 . 好開心一家人可以合力去完成一個咁艱難既任務 . 落到山 , 又係死城咁 , 大部份商店都關門了 . 又去返上次食過烏冬既店食烏冬 .

今次係依間店 , 有被白眼 . 原因個服務生以為我地 BB 係小朋友 , 強調要我地叫 3 個烏冬 , 直到我出示護照 , 我 BB 未夠歲半 , 佢先放過我地 ... 生得老積 , 唔著數 .