帶著 BB 去姬路 / 廣島 / 四國 / 2019 / 九月 / 八日七夜打卡之旅 / 德島拉麵 / BB 用品 (Day7)-Part 2

06.09.2019

四國係近年先開始多人認識 , 但由於交通真係非常不方便 , 所以遊人不多 . 眼見大部份人係跟團或留在市區 , 小部份就好似小地勤一家咁樣以自駕遊方式去玩 . 四圍都有人種米 , 就知幾鄉下 .

我們的行程 , 從來只計劃要去既景點 , 食飯好隨意 . 肚餓就去到邊食到邊 , 便利店的關東煮的確是不錯的選擇 . 不是說笑 , 如果問我係日本吃得最多會係咩 ? 我應該都係答便利店 , 四圍都有 . M 記 , 為左換野 . 連鎖牛肉飯 , 因為 24 小時 .

去完睇漩渦 , 我們去了賣桃的小店 , 門口已經種緊桃 , 多到跌落地都無人理 . 香港賣到咁貴 , 日本的確平一半有多 . 第一次見到同 BB 個頭咁大既桃 , 都買左黎試下 , 不過我個人覺得係岡山道站買的比較清甜多汁 , 更勝一籌 .

之前都有講 , 唔會專登安排食飯時間及必食餐廳 . 從前 , 小地勤的確會跟足旅遊書 , 現在旅行都隨心了 , 都要多謝公司 , 每年給我的免費機票 . 依 8 年 , 我用公司機票粗略咁計 , 都應該去左有 50 次日本 , 旅遊模式就漸漸改變了 .

每回在日本 , 都必吃拉麵 , 要搵可以比埋 BB 入去既拉麵店 , 不太容易 . 好吃的 , 都係小店 . 因此不要期望太高 , 只要可以一家人一起用餐 , 已經很好了 .

我都唔記得係邊個建議可以去試下麵王 , 相信最驚喜係免費雞蛋以及提供橡根比女士札頭髮 .

整間店就得我們一台客人 , 過了午餐時間 , 很冷清 .

台上擺放乾濕紙巾 , 很貼心 . 還有任吃的芽菜 , 又野味又開胃 . 看見有小寶寶 , 亦會主動提供兒童餐具 , 還有為 BB 的水杯加了飲管 , 日本人就係咁體貼 , 係 Care 依方面很花心思 . 職業病又發作了 ... 我們點了 2 款麵 , 小地勤喜歡湯麵 , 老公特別愛沾麵 .

我們一致覺得 , 沒有驚喜 , 但一試無妨 . 起碼人家的確很用心去招待我們 , 已經值得再次光顧 .

為什麼近來我們喜歡去日本的鄉下地方 , 特別係換季的日子 . 基本上 , 每天都會去跑嬰兒產品專賣店 , 西松屋 , Birthday 相信媽媽們都耳熟能詳 .

300 Yen 不是說笑 , 小地勤掃了一堆 , 應該有 10 套浴衣 . 送朋友 , 做手信一流 ! 春天 , 係要去會落雪的地方買冬衣 . 秋天 , 當然要去唔太凍既地方買夏天既服裝 . 小朋友大得快 , 貴過 500 Yen 既衣物 , 我唔一定買 .

我家寶寶鐘愛藍色 , 跟小地勤當年夢見的小男孩一樣 . 白淨的皮膚 , 圓圓的大眼 , 總是愛穿藍色衣褲 .

明天就要回香港 . 因此 Shopping 完後 , 向大阪進發 . 出發前幾天才訂的 300 元酒店房 . 沒錯 4 床大房比普通雙床房便宜 . 仲要係望海景的房間 .



當然 , 不建議大家 , 因為偏離市區 , 不自駕會有點麻煩 . 而且酒店附近無咩 24 小時店既選擇 , 很冷清的區域 .

整個旅程 , 不停的買水果 . 原因 BB 無便便 , 會令媽媽心情煩躁 , 所以一見水果就買 , 每晚都吃水果 , 感覺很健康 . 太便宜 , 買太多 , 吃不完 , 只好明天帶回家 .