0

帶著 BB 去北海道 / 2019 / 十月 / 四日三夜閒遊札幌之旅 (Day 3) -圓山動物園

小地勤點滴 於 2020-03-12 11:05:00 發表  |  累積瀏覽 420

分類:長線旅遊 ;地區:北海道

08.10.2019

第一次買地鐵 Pass , 800 YEN 一日任用 . 不過再有機會黎札幌 , 都未必會再買一日地鐵 Pass , 唔跑行程的話 , 散買都差唔多 .

沿路經過北海道神宮 , 依個景點去過咁多次 , 但小地勤真心唔知佢確實位置 . 原來咁容易到 . 反而圓山動物園 , 行左一大段路 , 仲要係山路 , 先終於黎到 . 入場費 600 YEN , 比旭山動物園便宜 .

之前講過會帶 BB 黎圓山動物園參觀 , 依到地方都幾大 . 但遊人唔算多 , 可能天氣唔太好既關係 .

一進場 , 我地就去左睇鴨仔 , BB 見鴨仔跟住隻大天鵝行到一直線 , 又跟住佢地尾咁行 , 好攪笑 .  係依個區域睇左好耐 , 今日係為 BB 而來 , 佢想睇幾耐就幾耐 , 反正我地無行程 .

我地隨便係到搵左間小食店食午餐 , 日本的動物園小食店跟出面價錢差唔多 , 唔會開天殺價 . 食飽又去左睇大笨象 . 為左刺激 BB 小腦袋 , 令佢早日開口說話 , 小地勤今年的確花左好多時間係佢身上 , 不停咁帶住佢四圍遊 .

大笨象一家三口的生活環境算唔錯 , 有室內跟室外 . 佢地一家三口應該係依個動物園既主力動物 . 室內區域仲有地方比遊人坐低慢慢欣賞 . 小 BB 很認真咁睇左好耐 . 對外界咁好奇的確係好事 .

仲有好多其他動物 , 但原來動物園有虐地區進行維修中 , 所以封左無得入去睇 .

原來依到有個睇落幾好玩既公園仔比小朋友放電 . 日本既公園仔係比香港既刺激好玩好多 .

結論圓山動物園不及旭山動物園多野睇 , 不過未去過 , 去一下 , 也無妨 .

之後返去狸小路繼續 Shopping . 小 BB 對夾公仔店好有興趣 , 老公自己都話 , 無執錯 , 性格咁似自己 ... ... 希望你似返媽媽啦 !

原來小地勤尋日午餐既店 , 係狸小路好有名 , 但我真係食完先知 . 唔做功課就係咁 !

晚上去左薄野行下 , 買晚餐 . 總有一晚係要食超市特價


壽司 , 遇上晴王做特價 , 就買了幾串返香港做手信 . 明天就要返香港了 . 四日三夜其實唔太適合用黎遊咁遠既北海道 . 去沖繩就剛剛好 .

鐘意SeeWide的分享,給我們一個Like吧!
  • 攻略日期:N/A
    攻略地點:北海道
  • 攻略時間:N/A
    是次消費:N/A
0人比"掂"
  • 1874飛飛 於2020-07-21 13:27:17 留言
    通常都要計一計有多少程要乘搭, 不多的話買單程已OK
  • 舉報 回覆
  • No.1
  • 小地勤點滴 於2020-07-30 12:03:21 留言
    原文由 1874飛飛 於 2020-07-21 13:27:17 發表
    通常都要計一計有多少程要乘搭, 不多的話買單程已OK
    總以為自己可以去到好多地方 , 可惜唔係 .
  • 舉報 回覆
  • No.2

最多能輸入300字

累積瀏覽 447636

全部攻略 710

全部回應 4283