晚餐之冬菇蝦米粉絲炒節瓜

早二日6月媽咪生咁啦，今日專登攞咗部份嘢去她家，應該過二日開工，幫她買坐月時用的材料，因為太重怕開工時又要買餸菜，所以約咗她老公先將部份放低，等開工就有得用，搞掂完就去咗舊年完工的媽咪度探下她們，呢個媽咪的老爺奶奶同我做咗好朋友，所以今日都係上她奶奶家睇囡囡，8月就一歲，唔見咁耐唔同哂，百日宴後又因疫情都無見過，呢個就係我之前講過超級好精力的BB, 出世時都唔洗點瞓，而家更加利害而且爺爺話喺塊膏布甩唔到，二老湊得個孫好好，見她們雖然辛苦但好開心，去到已經12點機，她們好客氣請我食午餐，大家傾下食下不知不覺已經四點幾，BB其實好眼瞓但心好嘢一直都唔瞓，我都唔好意思打搞咗咁耐就走，奶奶好客氣專登帶我落去搭車同睇周圍環境，因為過幾日就喺她住的附近開工，話有個小街市如果我突然忘記買咩都可補足下，之後就搭車回家順便買些少餸，家有幾個節瓜開始唔太靚就加咗蝦乾，冬菇蟲草花去煮粉絲，呢個餸都好多媽咪喜歡食，通常第二個星期都會煮，我啲囡最喜歡喺粉絲，早幾日煮咗個辣肉醬用嚟加麵食，今次加咗2湯匙非常惹味，蒸魚炒菜簡單又一餐