A7S STEREO SOUND 入耳式無線藍牙耳機 主打平價市場，音質當然比唔上其他幾百蚊既貨色，但試用過之後，聽落其實唔算太差，兩邊耳機做到立體聲效果，而音感層次唔深但亦都相當清晰。
藍牙耳機要幾貴有幾貴，想玩人聲、玩高音、玩重低音都有唔同既選擇，不過要有質素就要預左要俾千幾、二千，但如果你只係單純想聽下歌，又唔多追求質素，或者做運動或工作時粗粗地用，可以選擇以部平得黎又幾好聲既 A7S STEREO SOUND 入耳式無線藍牙耳機。
A7S 採用藍牙 5.0 技術，有效連接範圍達 10 米，而機身內建有 300mah 電量，可連續播放 3 小時，配合充電盒使用的話，可提供 24 小時的電量。
此外，耳機內建有收音麥克風，當有來電時，可按耳機的按鈕接聽電話，同時又可透過按鈕控制電話播放、暫停、跳播音樂，亦可調較大細聲，更可以直接呼叫 Siri、Google Assistant 等智能語音助理。
A7S STEREO SOUND 入耳式無線藍牙耳機 賣梗 HK$169，講真一句，音質唔係最好，但就有齊貴價品牌耳機既功能，都算係咁。
平常戴住做運動或返工做野時聽下歌，又可以接聽電話，A7S 都算係好抵玩，又適合粗用，而最重要既係就算耳機壞左或唔見，都唔會心痛呀麻！
售價：HK$168
