【自家煮】宅食日常。6 月食事記錄

其實每日諗煮啲咩餸真是幾頭痛

都是雞、牛、豬、菜 ... 配搭的菜式

仲要遷就每個家庭成員的飲食口味

好似我家咁 ...

有人唔食雞蛋，又有人唔食蕃茄

所以蕃茄炒蛋這道菜基本上很少出現在我們的餐桌上

大家有咩好煮意可以互相交流一下 ...

納豆菜健康好有益的，間中都會買嚟食

之前試過一款柚子納豆幾好食，但是好耐都搵唔番

今次這款期間限定的梅納豆，裡面包梅醬有少少梅肉

梅的清甜果香遮蓋了納豆特有的怪味

怕納豆果種怪味的可以試吓這款梅納豆，易入口啲

涼拌菠菜、麻醬豆腐、煎牛扒

這日好有心機慢慢煎啲豆腐，煎到金黃色，香脆好食

還有氣炸雞翼和清炒生菜

為了隻 My Melody 碟買了兩支牙膏，新屎坑即刻拎嚟用

氣炸蜜糖燒雞翼、雞腎沙嗲串燒、灼菜心

見到網友推介的即食燜煮鴨，買了半隻去氣炸

不過不太啱我哋的口味，調味太重，味道似煙燻鴨多啲

還有西蘭花炒腩肉和瑤柱冬瓜湯

氣炸三文魚頭、日式炒麵、香草蛇餅腸

氣炸三文魚腩條、氣炸豬扒、白菜魚丸湯

椰菜炒腩肉、台灣蒜味香腸、麻醬秋葵

香草羊脾扒、麻醬秋葵、圓肉杞子浸菠菜

小姐話想食韓式炸雞，這晚可以偷懶唔煮飯

甜辣炸雞併蜜糖芥末炸雞 + 韓式豬手 + 辣魷魚

這次在尖沙咀韓國街清溪川小菜專門店買的韓式豬手

附上的生菜包裡面有紫蘇葉的，仲送埋泡菜 

用昨晚韓式豬手剩的豬骨煲了個祛濕利水、抗疲勞的老火湯

老黃瓜薏米豬骨湯、蒜蓉豬扒、清炒生菜

端午節 ! 梗係要食隻糉應節

友人自家製的咸肉糉，餡料有成粒瑤柱，足料又好食，最鍾意配砂糖一起食

某日的下午茶 ... 奶醬多 + 藍莓多 + 小姐親手整的芒果啫喱

美味的下午茶 

好好食的芝士包 + 愛吃的糖水「特式仙草百配」一碗有齊仙草、芋圓、地瓜圓、珍珠

終於買到香橙朱古力味 Viennetta 千層雪糕

試哂三款口味之後，儍媽覺得香橙朱古力味最好食

** 以上分享是以我的口味、喜好和情況作出分享及感受，一試 / 合用與否請自行決定

** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !