♪ 大量廢話前言 + Level One 登場（！）
爆笑沖繩之旅 ♪ 五日四夜（一）
♪ 人物簡介 + 一堆景點
爆笑沖繩之旅 ♪ 五日四夜（二）好長篇有：首里城、玉泉洞、國際通、手信
♪ 解開 Level One 身世之謎
爆笑沖繩之旅 ♪ 五日四夜（三）今次到海洋博、古宇利島、玻璃船、万座毛
---------------------------------------------------------------------------------------------
4/5
嚟到沖繩，每一個早餐都係喺酒店食自助餐
正所謂「一日之計在於晨」，每朝滿懷睿智嘅我.....
都同洋溢著童趣氣息嘅卡通餐盤角力 >_____<
周圍嘅自助餐都有呢啲可愛嘅兒童餐盤
我要鼓起勇氣先敢用 >_____<
（估唔到我都有怕醜嘅時候 >__<）
呢個係 thomas 嚟架，我見過有 hello kitty 同麵包超人添呀 ♥
---------------------------------------------------------------------------------------------
♫ 由於住宿轉咗住 Southern Beach Hotel & Resort
我哋決定出發之前喺度散個步先
大堂一樓有個「水為財」嘅裝飾池
個池隔離有堆撻皮凳
一行出去就見到樹影婆娑
OK 其實又唔係真係好婆娑，只係幾碌葛哈哈哈
仍然係天陰陰 ☁
---------------------------------------------------------------------------------------------
♫ Level One 係咁話去睇海塩工場見学
除咗黑糖、苦瓜、紅芋、波蘿、Aguu
海鹽都係沖繩嘅名物
海鹽工場好明顯係製造海鹽嘅地方啦
咁到底見學係乜柒嘢呢？？？
我問一問字典先生
「見学」（けんがく）即係指「去參觀」
原來工場見学係日本新興嘅旅遊行程
等啲人可以了解吓唔同嘅工場點運作（可以推廣~ 順便賣嘢啦 XD）
之前聽人講參觀杯麵廠就係食品工場見学
因為食品工場好多都有得任食，所以比較受歡迎
---------------------------------------------------------------------------------------------
海鹽工場位於 Gala 青ぃ海
我都當然唔知係邊度嚟啦，我跟團架嘛哈哈哈
坐低即刻食返杯鼎鼎大名嘅海鹽雪糕
今次呢杯真係鹹鹹哋又甜甜哋，都幾好食
Level One 話自己唔嗜甜，畀咗佢嗰杯我哋（見粉紅 →）
（其他團友 40+，佢哋話唔食得咁多喎 -______-""）
於是我啲朋友又嚟料喇，叫我一 • 定 • 要 • 食 • 兩 • 杯 -.-|||||||
---------------------------------------------------------------------------------------------
工場派咗位女職員同我哋講解吓海鹽制作嘅過程
話明海鹽，梗係要用海水啦哈哈哈
啲海水就係抽去下面呢度架喇
而且好環保架，啲水會「索」喺啲白布度
用風力 + 日曬「瓊」乾啲水
將海水嘅鹽分濃度由正常嘅 3% 濃縮到七倍（！）
之後再加炭加熱、蒸發啲水走
呢度都幾熱架（！）
最後放入木箱攤三四日，等佢自然脫乾水分
當職員小姐不斷（用日文）講解嗰陣
我哋發現塊玻璃反光，於是努力影咗堆「影子合照」（見粉紅圈圈）
頭先啲設施嘅迷你版，好得意 ♥
（左邊：加炭嗰舊嘢、右邊：脫水木箱）
女職員一路用日文講，呀 Level One 就翻譯
個畫面其實都幾 on9，哈哈哈
講解完， 女職員當然不忘宣傳一吓佢哋嘅自家鹽啦
（上圖左面嗰包）
Level One（當住人哋面前）：我就覺得佢好 hard sell 喇
大家可以去搶購啲鹽啦
唔係盲腸炎喎哈哈哈（-.-.............）
雖然人哋未必識聽，但兜口兜面講啲咁嘅嘢
感覺都係有啲唔係好尊重人
而且..........
天呀！點解你啲 gag 仲「勁」過李力持架？！
--------------------------------------------------------------------------------------------
♫ 我哋仲參觀咗個海鹽展覽館
有世界各地嘅造鹽歷史
展館中間有舊 mega 鹽
為咗一試佢嘅虛實，我哋試咗
感謝 Let'sTappy 提供以上資料
Let'sTappy 的個人日誌: www.falaw.blogspot.hk/
