0

帶著 BB 去沖繩 / 2019 / 十二月 / 四日三夜自駕遊 (Day 2)

小地勤點滴 於 2020-10-09 17:49:06 發表  |  累積瀏覽 325

分類:長線旅遊 ;地區:沖繩

12.12.2019

近年去沖繩 , 都住同一系列的 Apartment . 喜歡在市場買和牛 , 再回 Apartment 煎 , 而且房間比較大 , 仲有露台曬衫以及浴室有乾衣功能 . 

半夜 , BB 嘔奶 , 以為佢係海邊吹到風 , 點知原來病左 , 我地兩公婆都唔知 . 早上見佢又自己攞包包食 , 又飲水 , 就掉以輕心 . 結果一出車 , 係車上飲左支早餐奶 , 佢又嘔 .


每次出遊 , 我都有帶平安藥 , 包括退燒 , 傷風及咳 . 見佢再嘔 , 返酒店餵左轉傷風藥比佢 , 覺得佢海邊食左風及比飛機嚇親 , 所以一飲奶就嘔 . 因此我地只餵麵包 , 即食粥以及和光堂的 BB 保曠力 , 最怕佢脫水 .

藥力下 , 佢需要休息 , 所以我地只推 BB 車出去國際通行下 . 國際通依個位 , 又轉商場了 .


國際通都係賣手信既地方 , 我地今次又再四圍行 , 去到新既牧志市場 . 裡面格局跟以前差唔多 , 都係二樓食肆 .



BB 睡覺了 , 所以我們就係到午飯 . 有聽過沖繩豬手很好吃 , 的確 , 超好味 ! 



老闆仲話可以係樓下買野上黎食 . 牧志的海鮮突然比泊港漁市場平 , 而且仲有好平又靚既和牛買 . 小地勤係唔食生 , 老公自己一個食曬 , 應該好滿足 .



每次係日本 , 都會飲咖啡奶 , 其實好甜 , 但每次見到 , 都係會買 ...


見 BB 訓醒又好似無咩事咁 , 但都唔想同佢出去太遠 . 尋晚到依加 , 嘔左兩次 , 好彩有 Apartment 有乾衣 , 但老公都乖機話要買衫比佢 , 所以帶左佢去 Aeon 行下 . Aeon 通常點都有少少 BB 遊戲區 . 見到佢悶悶不樂 , 其實我好擔心 . 小地勤同老公講 , 如果佢再嘔多次 , 我帶佢坐聽日早機返香港 .


無飲奶下 , 再加上食左點藥 , BB 有返精神 . 晚上我們又到 PARCO CITY 晚餐 . 晚餐完就回酒店處理一大堆衣物 . 早上 BB 嘔時 , 嚇親自己 , 好驚 , 抱實我 , 好自然小地勤成身都係嘔吐物 , 我見到都想嘔 , 但又唔可以推開佢 , 咁會令個仔仲驚 . 做人媽媽 , 再嘔心既野都要攪 ... ...










鐘意SeeWide的分享,給我們一個Like吧!
  • 攻略日期:N/A
    攻略地點:沖繩
  • 攻略時間:N/A
    是次消費:N/A
0人比"掂"
  • 1874飛飛 於2020-11-08 23:30:49 留言
    引用自 '小地勤點滴' 的相片:

    回覆:睇樣又好似無乜事, 所以難察覺
  • 舉報 回覆
  • No.1
  • 1874飛飛 於2020-11-08 23:37:05 留言
    [做人媽媽 , 再嘔心既野都要攪 ... ...] 所以母愛係好偉大! 另奶方面, 近年來很多研究都說奶是敏感之源, 好多人都唔啱飲。當然除了BB, 但有些小孩真的不可飲, 都有其他代替的方法 。
  • 舉報 回覆
  • No.2
  • 小地勤點滴 於2020-11-10 13:53:16 留言
    原文由 1874飛飛 於 2020-11-08 23:37:05 發表
    [做人媽媽 , 再嘔心既野都要攪 ... ...] 所以母愛係好偉大! 另奶方面, 近年來很多研究都說奶是敏感之源, 好多人都唔啱飲。當然除了BB, 但有些小孩真的不可飲, 都有其他代替的方法 。
    我自己都對奶有點敏感 , 飲多就會腸胃唔舒服
  • 舉報 回覆
  • No.3

最多能輸入300字

累積瀏覽 447643

全部攻略 710

全部回應 4283