原本嘅行程係行完高尾山後到國營昭和公園繼續賞紅葉，但我地實在太高估左自己嘅體力同腳骨力喇！係回程時我同太太一致決定放棄昭和公園~~於是便直接回新宿駅去(我地成程倦到訓著左)。行左一陣高島屋，係tokyu hands買左聖誕裝飾用嘅啫喱貼紙同埋THROMAS朱古力比侄仔後，就番酒店休息一陣，跟住就去東京車站行街食飯~~gogogo~~
新宿高島屋11月尾已開始佈置迎接聖誕。
來到東京站小食街，梗係要試下鮮炸卡樂B薯片，依家仲有限定版添~~但唔知係咩味，都係揀番朱古力醬最穩陣！！
薯片係你面前炸，似乎唔係用多油喎~
跟住就到調味喇！拋呀拋呀~~~
比左錢就攞張號碼牌等喇！以為一號籌好快呀？都要等10分鐘架！
等個陣無聊就四圍望下，原來CALBEE都有幾款吉祥物~~
仲有剛力彩芽做代言人，依期佢就紅啦~~勁多廣告好似有益力多咁~~
但我只係睇過佢同AKIRA個套「古書堂事件手帖」。
同我一齊等食薯片嘅仲有呢位亞BEE，眼甘甘咁，我知你好肚餓喇！
登登登凳！終於到我啦！淋上朱古力醬熱辣辣嘅薯片係咪好吸引呢？但亦都熱氣~~我諗今晚要飲番D番鬼佬涼茶先得！！
之後就行下Character street，勁多卡通人物精品呀~~行得好開心，我地已經好克制..最後只係買左HELLO KITTY毛巾比朋友同埋柯南公仔同文件夾比自己！
成日陰陰咀冷笑嘅野口同學~~比小丸子仲搶鏡~~
貓女同眼球老爹錢箱~~~
依個真係唔知係咩卡通人物，我參加左最受歡迎造型選舉，仲送左個文件夾~~都好~~
稻中兵團風褸~~幾靚喎，不過價錢仲靚！
我睇左兩集「安堂機械人」就停左...估唔到都有餅乾賣~~BTW木村已經唔係收視保證了~~~
半沢精品都幾多人睇，可惜無咩特別，又無「百倍奉還饅頭」~~
小白與SKYTREE呀~~~差D失手添~~~
之後去拉麵街開餐，揀左好多網友推介嘅「斑鳩」，有六七個人排緊隊，可以接受。(見到六厘舍勁多人)
排隊時要買食卷先。今次揀左人氣NO.1(食卷機上已註明)嘅豚骨魚介東京駅拉麵，及人氣NO.2本枯れ鰹煮玉子塩拉麵。
很可愛的餐巾呀~~
先來的是炙肉飯(270YEN)，見到流哂口水~~香噴噴又抵食，差D想叫多碗！
本枯れ鰹煮玉子塩拉麵(850YEN)，最喜歡那糖心蛋，塩味湯底有點濃但不算太咸，整碗湯被我KO了~~麵條幾爽口~~
太太點的豚骨魚介東京駅拉麵(980YEN)，湯底更香更濃~~
之後去KITTE逛逛，到郵局想寄名信片，但他們只有空白的名信片(是溝通問題還是將關門呢)。幸好在附近的文具店買到一張(富士山背景)~~寄回香港只用80YEN。
上到KITTIE六樓平台拍拍東京車站~~太太話：好凍~~走得未？
KITTE商場的內觀與外觀。見到迴轉壽司「根室花」仲有好多人等緊~~
堀北真希穿上日本隊戰衣~~~
(p.s. Miss Pilot 好好睇，正過衝上雲霄2多多聲！)
太太話今日食唔夠菜，於是去lawson買沙律食~~我就買左布甸同葡萄汽酒~~
聽日會出發去箱根，好期待呀~~~
感謝 安祖日月 提供以上資料
http://papillon-hk.blogspot.hk/
