見到雜誌介紹，昨晚7:20來到蜆殼街的醉燒亭，品嚐日式爐端燒。入門口，見只有2位顧客，誰知其他位已full booking。幸好，他們准許我們8時前還枱，仲等咩呀？炸炸林坐低嗌野食啦！
此鋪特別之處，是除供應日本來貨海鮮外，還每日運到西貢高流灣生猛海鮮。(記得細個跟父母去嗰度摘番石榴同摸蜆)
先到的前菜，只是紅蘿蔔同青瓜，意外發現點麵豉醬原來幾好味的。
跟住上的鮮魚湯，不知是什麼魚呢？很鮮味，不知是否泥鯭？(西貢的海鮮湯多是泥鯭湯)
燒吞拿魚血，面頭鋪上很多葱花，以為很腥，但吃落卻很惹味，其實是吞拿魚腩最紅、最多血管的一part吧了，並非真是魚血。
燒大眼螺，我不太吃得辣，但由於師傅推介便試下，原來在日本吃的大眼螺有拳頭咁大，這裡的size細1/3，但亦很具分量！香辣又爽口，連尾部的內臟亦不覺苦，應聲吞下了！師傅幾親切，落order時會細心解釋用咩方法煮會好d，又會主動同我地傾偈，好互動，所以都係坐bar枱氣氛好d！
仲叫左手打墨魚(勁彈牙)、燒廣島蠔(我的最愛)、雞頸肉(豬頸肉就食得多)同露筍豬肉卷(等最耐，以為漏order，但好正，薄薄的豬肉包住清新露筍，非常之夾)。
特登留肚去天后食甜品，埋單唔該！
感謝 安祖日月 提供以上資料
http://papillon-hk.blogspot.hk/
