點解會叫螞蟻上樹
其實袁太都唔係太知道,
不過就好鐘意食,
呢樣餸都好耐冇整過喇!
耐到好似都冇整過俾袁生食添呀!
一於用黎今晚做晚餐,
其實呢樣餸真係好易整,
而材料都好簡單,
淨係豬肉碎同粉絲,
再加少少調味料,咁就攪掂喇!
最開心的係袁生好鐘意食,
食到唔停口!
~螞蟻上樹~食譜
材料 : 免治豬肉-$10 / 粉絲-1扎 / 薑-3片 / 辣椒-半隻 / 清雞湯(細)-1盒
醃料 : 生抽 , 老抽 , 鹽 , 糖 , 生粉 , 麻油 , 胡椒粉 , 油 - 適量
1.免治豬肉加入醃料醃1小時.
2.粉絲放在深碟內,注滿水至蓋過所有粉絲,浸軟後切半.
3.燒紅鑊,爆香薑片,辣椒後,加入豬肉炒熟.
4.加入粉絲兜勻後加入清雞湯.
5.炆煮至雞湯收汁入味,下少許蠔油,麻油調味,拌勻即可.
感謝 袁太廚房 提供以上資料
袁太廚房 的個人日誌: www.elanie-kitchen.blogspot.hk/