探險家攻略 > 城中探秘 / 旅遊 > 特色景點 / 長線旅遊 > 2011 小學雞癲噹亂遊立山 Day 2 . . . 室堂編

2011 小學雞癲噹亂遊立山 Day 2 . . . 室堂編

由迷失日本於 2012-10-04 00:00:00 發表 | 累積瀏覽 519

分類：長線旅遊特色景點；地區：其他

2011 小學雞癲噹亂遊立山 Day 2 . . . 室堂編

食過簡單嘅午餐, 手信都唔睇就出發上室堂 . . .

真系睇都唔睇 ? . . . 嘿, 以小肥嘅為食格, 唔買都會試食啦. . .

不過, 第3日會喺度住, 梗系到時先掃佢啦 . . .哈哈哈

雖然下午唔系上山嘅高峰期, 不過, 都系按預約時間上車穩陣D.

上山嘅路, 風光就一直在變 . . .

開始時仍然喺一塊紅, 一塊黃, 一塊綠的 . . .

到天狗平後, 山頭全披上雪白外衣 . . .

小肥真好彩, 原來10月2日立山又下一場雪 . . .

以至早兩天仍是滿山的黃葉, 均被埋藏 . . .

有幾凍 ???

-3 至-4度囉 . . .

鬼整佢呀, D厚衫喺匣都未寄到, 想著多件都唔得 . . .

笨 . . .

都無辦法, 成3點鐘, 落黑部湖一定唔夠時間玩 . . .

只好硬著頭皮, 展開 室堂平散策 . . .

地標. . .

哎呀, 嗰個"標高2450米" 唔夠清楚添 . . . .

[玉殿湧水]裝番瓶泉水 . . .

上到2450米都仲有天然泉水, 點忍得唔整多幾啖 . . .

真系好甘 . . . 同凍

行上一D . . .

前面就系立山室堂山荘 . . .

[供養塔]

立山室堂山荘前

みくりが池, 後面系みくりが池温泉

みくりが池

隱約可以睇到被覆蓋嘅紅葉 . . .

越行越凍, 越影越震 . . .

只有先徹退 . . .

送番個官網10月12日嘅片段比大家. . .

一定要留意嗰個360度立堂靚景 . . .

唉 . . . 又無我份

返到室堂駅轉左, 走去立山自然保護センター避一避 . . .

有MUG好睇呢???

其實, 都幾多嘢睇, 主要系講雷鳥嘅嘢, 亦有立山整體嘅地貌介紹 . . .

而小肥就最like 講雷鳥嘅影片 . . . 好搞笑

癲噹見我掛住睇片, 自己就喺外面玩雪 . . .

又話系第一次喎 . . .

一定要同個 "雪人"合照 . . .

都唔知邊一忽似 . . .

唔等癲噹上訴 . . .

先去今晚住宿嘅ホテル立山 check in

入房. . . 一眼見晒

好彩package 包, 唔系就 . . . 真系物非所值

啊, 網頁一路都話房間入面系無浴缸 . . .

咁呢個系???

入房無耐幾件行李就送到 . . . 及時.

喺山上嘅收件時間大約系下午4點, 如果, 怕凍嘅都系帶多件旁身好D . . .

呌夠又出發 . . .

癲 : 又行 . . . 外面好凍噃, 我又無衫加

肥 : 唔行啦, 夠鐘食飯啦 . . .

癲 : 好嘢 !!!

肥 : 嗱, 自己睇吓有MUG食啦 . . .

癲 : 唔掂 . . .日文嘅 . . .

肥 : 你睇就得啦 . . .哈哈哈

哈哈, 啤一啤先 . . .

再整多個靚仔 . . .

完美嘅甜品 . . .

都可以話豐富嘅一餐 . . .

其實, 一邊食嗰陣系對住遠處嘅富山市夜色 . . .

真系幾浪漫 . . .. 呀

所以, 呢兩隻大大嘅電燈泡就只好返房攞衫 . . .

又出發 . . .

癲 : 星啊, 星啊 . . . 星星啊 . . . 我求你照我 . . .

肥 : 照你個頭 !! 抬高個酸薑蕎啦 . . . 嘩

嘩, 嘩, 嘩 . . . .

大家唔好怪 . . .因為, 跟住嗰10幾分鐘真系只得 . . .

嘩, 嘩, 嘩 . . . .

可惜小肥部DC . . . 就系得咁多

小肥記憶所及 . . .

只系曾經喺幾歲大嘅時候, 跟媽咪返鄉下睇當時仍建在嘅嫲嫲 . . .

晚上, 訓醒去痾夜尿 . . .

發覺個後園居然夜媽媽都仲好光吓 . . . 抬頭發現, 唔系月光, 而系滿天星 . . .

星光竟然可以引路 . . .

當時系第一次, 依家系第二次見 . . .

嘩 . . .

結果系睇到頸又梗, 面又僵先捨得返房 . . .

好彩, 小肥都安排咗 "貸切風呂" (呢間酒店無風呂架, 只系熱水缸)

呀, 唔駛比$$架, check in 嗰陣划定個時間就得 . . . 讚

落LOBBY 囉條key . . .