圓規到訪在家的一天

獅子山剛走，另一個圓規又話打到嚟，星期一晚約咗班同學食晚餐諗住夠他們晚餐就無出去買餸，只係準備好晚餐就出門，第二日同個舊同事食完先買餸，點知圓規真係會到，昨日出門前去超市諗住買定菜怕真係8號買唔到，真係好誇張未到十點超市一條菜都無，又唔夠時間去街市就照搭車出去，同同事食午餐時收到料話4-6點會掛8號就通知老公，諗住食完2/3點左右回家買菜，點知咩嘢都無，連雞都買唔到，好彩老公唔洗等到掛先走得，喺他果邊睇下買到2斤菜30幾蚊都唔算太離譜，咁回家時再去超市望下有無再返菜，都喺無買咗些少其它嘢，剛比完錢就聽到話有菜返立即走去菜果邊，已經人生人海，只係聽到唔好急，啲冰唔好整落地會整到人，但啲人都唔理好快幾盒菜就清哂，好彩攞到個椰菜又再排半個鐘，平時都會買定好多菜，咁啱呢2日都約咗人，諗住會出去就順便買，而家菜食得多通常都會買定多啲，今日無啦啦多日假，老公同啲囡都唔洗返，6點幾起身睇咗話中午先有幾會轉3號咁就再瞓，9點幾老公起身就同他簡單食麥皮同麵包做早餐，等啲囡瞓夠起食食午餐，今次真係清雪櫃有咩整咩，明天重陽老公又唔洗返先出去買返啲入返雪櫃，午餐就煮咗雜菜煲同雜錦沙律，晚餐有幾只蘑菇加啲蒜茸同芝士焗，還有2塊豬扒同牛扒煎一煎，摷到冰箱有包蝦就攞埋出嚟整加多個菜心豆腐丸湯，是是旦旦又一餐

呢個雜錦用咗淨的2個蕃茄，一條青瓜，加多礶蘑菇片，有咩肉就加埋入去

雪櫃入面啲菜隨咗老公昨日的菜心，椰菜，西蘭花，生菜每樣淨少少再加多些少菜心煮埋一煲

呢個雜錦我喜歡加啲芝麻同些少沙律醬撈埋好好味

晚餐就用淨咗菜心加豆腐同些少肥牛滾咗個湯，她們好想食雞煲昨日連雞都買唔到，阿囡專登落去超市睇下有無雞，最後買咗碗醉雞麵頂下癮，哈哈哈好搞笑

之前淨咗一塊豬2塊牛整埋

原來冰箱還有大包蝦