茶記適合食早餐，茶餐廳2.0 融合茶記同西餐風格，就算食常見嘅湯麵早餐，都仲有特別配搭。今日約去大埔等，再去多間分店啦！
早餐F
鮮茄牛腩公仔麵 法蘭克福腸、炒蛋、薯餅 $42
牛腩分量都幾多，又唔會碎濕濕，上枱嘅時候有少少麵還麵，茄汁還茄汁，不過撈埋之後問題不大。配菜都有洋蔥同紅蘿蔔，味道豐富，都唔會好多假茄汁味，可以一試。
呢間嘅炒蛋正常水準，本身唔係跟薯餅，係跟是日麵包，不過之後行山又要食麵包🍞所以改薯餅，幾香脆。茄汁未用完，可以點腸。
雜果賓治 ＋$20
呢個唔會好多期待，不過除左罐頭雜果之外，原來唔係傳統嘅車厘子藥水糖漿，呢個味道偏橙味嘅。
原來大埔分店係#黃 ，大家記得喺度加錢要#特飲 啦！
總數 $62
茶餐廳2.0
大埔安邦路9號大埔超級城A區地下012A舖
電話: 2667 2788
－－－－－－仲有以下分店－－－－－－
黃大仙睦鄰街8號現崇山商場地下G1-G2號舖
電話: 2111 2568
荃灣青山道398號愉景新城第二層2029號舖
電話: 3104 1069
