剛開工做咗一星期，雖然好忙但都唔太遲收工，通常6點左右就可收工，好難5點半準時收工但6點已經好好，比剛完工的3個月工作無一天早過6點，最遲去到8點半先收，最早都6點半，呢個BB好乖食飽就瞓，唔算食得好快但都好叻，早咗3星期出世，雖然只得5磅左右好細粒，個頭仔細過我手掌，但算好叻而家日頭我餵已經90-110左右，因為咀仔好細，剛出世難埋身而家就好好多，呢個星期開始試埋食得好好，但可能未習慣每餐埋完都再補樽，呢家無工人，她的老公好好會做家務，個媽咪咩嘢都唔洗做，日間我喺度當然我搞掂，收工後他都會清潔哂晚餐啲餐具，每朝返到去就先跟BB,如果要餵奶就先洗面換片跟住餵奶，媽咪起身就整埋早餐，搞掂就先清潔奶樽因為一整晚好多泵同樽，清潔好後先盡快處理湯趕午餐飲，準備午餐，下午茶燉湯同小食，晚餐，炒米茶，每朝都好忙一點左右食午餐，咁啱BB夠鐘飲奶就安排他們午餐就去餵奶後先自己午餐清潔好碗碟同再清洗第二輪泵同奶樽後就同BB沖涼，搞掂哂有時間就準備晚餐，放工前都會做好哂其它嘢盡量等她們多啲時間休息同湊BB, 媽咪好錫2個女，大已經2歲半喺貼身糕藥，媽咪去廁所都跟好彩喺媽咪泵奶同埋身都唔會唔比，我今次感覺主要工作喺主力煮食，BB只係餵奶同沖涼，個媽咪有時間就抱著個BB, 自己原全無休息，全日喺廳同大女玩，當我餵完搞掂放低，如果聽到BB有聲就會抱著，有時我過去幫手都話唔洗，所以我都有足夠時間搞掂其它嘢，時間掌握到就可以唔太遲收工，回家就早好多7點幾就返到，沖完涼就有得食，今日星期日休息疫情嚴重咗都無同老公出去買嘢，只係自己喺附近買咗今晚餐餸就算，啲菜仍然好貴，好彩昨晚老公買定有，今晚食西餐諗住煲羅宋湯，最後啲菜太貴只係買咗幾個蕃茄，薯仔同洋蔥加些少骨去煲，真係離譜到蕃茄要20幾蚊斤，4只唔大都差唔多20蚊幾樣貴過啲湯骨，未試過咁離譜但都無法，超市菜架就吉無嘢買，放工夜就一定無，今早專登早啲去點知都喺咩都無唯有去街市買貴嘢，買好哂就回家順便買咗啲點心做午餐，食完休息一下5點左右準備晚餐，煮煮下忘記咗整鰻魚喺細女最愛唯有留明晚，餐後囡囡買咗蛋糕做甜品，開開心心又一餐
