終於都打晒成個婚禮
一段美好的回憶~
其實係婚禮入面
老公送比我呢紮花真係好特別
我...並唔係一個恨收花既女仔
但我鐘意花, 覺得花好靚~
我, 淨係想試下收一紮花
那怕幾朵玫瑰包得靚靚地都滿足架啦!
但同老公拍拖拍左差不多9年
從來都無收過
明示暗示都出晒~
得到既回應係
"我係唔會送花喎~"
聽到都幾失落架, 不過都覺得ok
因為又唔係一定要有既
哈哈, 好低能地以為求婚實有花收啦掛~
又真係估佢唔到, 佢竟然送左一紮銀紙玫瑰
收到果下有點點失落
雖然人人話收銀紙仲好啦~
銀紙花仲貴啦~仲實際啦!
但其實, 我並唔在意平與貴, 只係想收一次鮮花姐!
銀紙花都唔實際得去邊架, 其實邊捨得拆左佢呀~
但係好開心, 婚禮上終於都收到第一紮花!
佢解釋, 佢要求花店用2隻色玫瑰
因為配合返紮銀紙玫瑰, 真有心思
所以我見到+收到呢紮花
真係思想混亂
雖然呢紮花已經謝晒~
但佢已成為我一個美好既回憶
