Spain Madrid - Day 1-2
慢長既honeymoon之旅終於開始打啦~
都係果句, honeymoon真係一個名詞
所以今次我地1行4人出發
17號晚坐夜景, 當然要影下必影既地方~
坐11個鐘去到阿姆斯特丹轉2個鐘機
救命呀! 第一次坐長途機
不嬲都唔鐘意坐飛機
仲要坐咁耐真係好折磨~
2程機食到3個飛機餐
都係一般般啦, 無咩特別
幾個13個鐘頭機, 終於都到左啦~
好興奮呀, 終於踏足歐洲
終於黎到馬德里
係機場見到咁藍既天空真係忍唔住衝出去影張相!
影完就坐車去太陽門廣場啦~
太陽門廣場感覺好危險
搞到我都無咩影, 而我地就住係附近
真係好方便~
擺低行李休息下就出發周圍行下啦~
首先去醫肚先
求其入左間野食, 叫左個ham三文治
西班牙奄列三文治
類似油浸魷魚同埋羊脾
羊脾好好味
個油浸魷魚就一般, 話係西班牙必食小食咪試下囉!
點菜真係好有難度, 因為佢地完全係零英文架~
食完就走圍行下啦~天氣好好
好到個藍天好假~
感覺舒服, 因為真係無目的係咁行
但到當地時間4點零同伴們開始頂唔順
去左飲杯朱古力之後就返酒店小睡
因為西班牙都成8點零9點先開始dinner
所以訓醒仲可以行一陣mall, 但無收穫
去左食好出名既燒豬
叫左4樣野, 燒豬仔肉同燒豬仔脾好好味
但當食第三舊既時候就好滯啦~
佢d薯仔都煮得好好味, 但唔食得多!
而燒雞真係無咩特別~
仲叫左一壺西班牙特飲 - Sangria
上網睇過資料, 入面大約係︰
紅酒,+烈酒+汽水+梳打水+生果之類
易入口, 但係本身我唔飲得, 所以好快就覺得wing左~
食完就返酒店啦~因為聽日要一早出發呀!
To be continue Day 3
