晚餐之蠔仔湯飯配片皮鴨

過幾日原來喺端午節，呢幾年轉咗呢行都喺開緊工，以前端午節我媽好勁，2星期前已經開始幫人包糉，讀緊書的我或做緊嘢預啱有時間就會幫手去執料，啲人好搞笑準備定所有料就通知我媽去包，完全免費媽咪從不唉聲嘆氣話好辛苦又唔會拒絕，回想起媽咪有事時再幫唔到手，她們都不會覺得怎樣比我感覺是有啲過份，唔係一定要幫你哋包，其實跟媽咪整咗咁多年，唔多唔少都學到啲但我就無理只係有時間就整啲過節就算，轉咗呢行都幾年無整，今次休息時間長咗，老公怕我辛苦都叫我買幾只就算，但呢幾2日行街市見到好多糉，又見到新鮮糉葉又心思思，上綱睇新鮮糉葉啲料，今日就引唔住買咗些少回來睇下啲葉得唔得，因為話有啲有問題用水煮時出綠色就喺有問題，如果無問題明天就買料包幾只，今晚阿囡又話想食蠔仔湯飯又話想食片皮鴨，見咁得閒就滿足下她們，叫老公放工買半只燒鴨回來，我就準備餅皮同配料，因為買唔到京蔥只喺用青瓜，諗住食少少就簡單啲，點知老公好叻無啦啦買咗京蔥回來，我見到好出奇大讚老公，他反問我唔喺有埋京蔥嗎？我話喺但無配埋更完美，加個菜同焗些少义燒，啲囡見到配料同义燒就直接包咗塊食話好好味，等老公回來反熱只鴨片皮，處理埋京蔥開飯啦

自制餅皮

自家焗义燒

配湯飯都啱

蠔仔湯飯最喜歡多芫茜，細囡麻麻地

自己喜歡咩就加咩

簡單麵粉加水就搞掂

薄薄的餅皮