談葬禮：當然掉落海算啦，海葬，唔通仲幾十萬買骨灰位
談靈魂：我相信靈魂投胎不能自主，如果可以自主，天下大亂。
談腦電波：我想同莊子擁抱，問佢點解寫啲嘢咁莫名其妙，我睇咗70年都睇唔明。
談太太：死唔悲哀，佢最希望走喺我前面，如果我走咗，佢忍受唔到！
3年前，筆者有幸兩度到訪倪匡屋企，第一次是訪問這位大作家，記得在電話中約時間，他還叮囑：「唔好遲到呀！」
第二次是上他家探望聊天，倪匡在家中摷了多本小說，逐一簽名送給我們，上款提字稱我們做「小友」，完全沒有巨匠的架子。
有幸訪問偶像大作家，筆者和5位同事很興奮，買了他喜歡吃的朱古力、油炸鬼拜訪，準時3點到達，傭人開門，倪匡持柺杖由書房步出，嫻靜的倪太正在吃蛋糕，倪匡陰聲細氣地、溫柔地對老伴說：「我同佢哋做訪問，你返房休息呀。」
那天，倪匡談到患腦退化症的太太，「後生時好少講我愛你，而家講得多，因為佢鍾意聽，醫生話永遠唔好同佢駁嘴，要保持愉快。我好樂觀，當佢7、8歲細路女一樣。」他指着客廳的兩張按摩椅，「大家坐喺度睇電視，佢一定要捉住我隻手。」
【如果我走咗 佢忍受唔到】
倪匡的閱歷豐富，見解獨到精闢，由外星人、移民、靈魂、談到生老病死，那時的他已受皮膚癌折磨，「我怕病，老都唔怕，老有好處，恃老賣老，哈哈！我唔怕死，死係必然發生嘅事，死唔悲哀，佢（太太）最希望走喺我前面，如果我走咗，佢忍受唔到！」
可惜，事與願違，衛斯理被外星人帶走了，留下白素在地球！
大男人如倪匡，侃侃而談跟太太的愛情故事，兩人在夜校認識，「佢細我3歲，你知道夜校讀書馬馬虎虎，眉來眼去就識咗，大家一見鍾情。識咗冇幾耐，我哋就去租間房同居，畀佢老竇鬧不成體統，咁好啦去登記，佢仲要爸爸簽名，因為唔夠21歲。」
倪匡很有性格，連求婚都不拘形式，「使乜跪低攞隻戒指，冇吖，好似去沙灘執咗汽水環之類，算係戒指，到而家都冇買過戒指畀佢，佢亦唔要，冇一個女性有佢咁好，最近佢忽然話要去開保險箱，打開一睇，有啲金粒，我話『金粒畀我』，佢話『好呀，畀你』，佢好大方，哈哈！」
【愛情唔係種磨菇 冇得培養】
回想兩人拍拖的甘苦日子，雖已是60年前，倪匡仍歷歷在目，「今日收到$3.5稿費，一人一碗叉燒飯，食完之後佢飽我未飽，又冇錢食第二碗，茶餐廳有種白飯加色叫靚仔戴帽，一碗兩毫，食飽咗出嚟門口有檔雞蛋仔，一毫子一餅當甜品，要留幾毫子明天再使。」
他家中的飾櫃放滿家人相片，年輕時的倪太樣子清秀，好奇為何揀倪匡呢？他反駁，「我後生唔靚仔咩，你講話要公平啲，我唔使爭，我都話愛情係雙方，又唔係種蘑菇，冇得培養，而且一世人當中，一定有一次機會撞到，一定要捉緊，唔好慢慢考慮婆婆媽媽阿媽唔畀之類，呢啲廢話嚟。
「我最鍾意警告女性，有兩種男人唔要得，一種男人係聽晒阿媽話，第二種男人係向女性提出金錢要求，快啲撇咗佢。」
談到太太的好，倪匡感嘆，「佢百份之一百就我，就到你哋唔信，譬如我收集貝殼，佢幫我全世界去買貝殼等郵包，我忽然間養魚，佢幫我買養魚嘅沙，佢完全縱容我，我一日食五包煙，燻到啲牆咖啡色，佢又唔叫我戒煙，佢生小朋友，我日日飲到醉醺醺返嚟，佢都唔出聲，冇可能咁好，佢太好，所以我好慚愧，但我對佢有樣好，好愛佢。」
曾經年少輕狂的倪匡，自認唔專一，「男人話專一係呃你，因為佢冇機會啫。」倪匡認為人生有配額，愛情都有配額。
【行路配額消失 冇辦法行街】
「我最近消失嘅配額，係行路嘅配額，而家行路超過3分鐘完全唔郁得，有冇睇到我張電動輪椅，啱啱買，仲未學習點用，而家冇辦法行街，行兩個圈已經攰到唔郁得。」
行路配額消失的原因，歸咎於老和肥，「醫生話我超重60磅，而家185磅，我食好少嘢，永遠唔食早餐，但一直瘦唔落去，病到五顏六色都唔瘦，醫生仲恭喜我，肥佬唔好瘦，一瘦就唔妥。」
倪匡只怕病，不怕死，豁達如他，曾想過喪禮安排，「當然掉落海算啦，海葬，唔通仲幾十萬買骨灰位。」揚言生平沒做壞事的他，最希望可以睡夢中離世，「我好羨慕鄧光榮瞓覺去咗，你話幾幸福，長命短命有乜所謂。」
【想跟莊子腦電波擁抱】
他調低聲線，怕房中的妻子聽到，「所以我買定一條繩喺度，如果真係病得痛苦...」筆者疑惑：「講真定講笑？」倪匡：「要唔要我攞出嚟畀你睇，哈哈哈，好靚一條繩，7蚊，病得辛苦搵個地方吊頸算。我最贊成安樂死，人類最唔文明係唔贊成安樂死。」
百年歸老時，想上天堂還是投抬做人？「呢個由不得我，我相信靈魂投胎不能自主，如果可以自主，天下大亂，靈魂投胎係好神秘現象，幾時投抬、幾時進入下一世腦部，完全唔知，只能憑想像，我嘅想像係一種能量或腦電波，喺空間來來去去，好似電視發射站發出嚟嘅電波，你有電視機咪接收到，等如腦電波同靈魂電波接觸，睇到鬼一樣道理。」
倪匡發揮天馬行空的想像力，「如果可以同腦電波擁抱，我想同莊子擁抱，問佢點解寫啲嘢咁莫名其妙，我睇咗70年都睇唔明，哈哈哈，真係寫到運吉，服咗佢，得閒無事，攞本書出嚟翻吓幾好玩。」
突然，倪匡聽到在房中的太太有動靜，揚聲問：「妹豬，你喺度做乜呀？」、「妹豬呀，你影唔影相呀？佢哋有專業相機喎，好高像數喎！」
原來，他叫老伴做「妹豬」，「我幾乎想暈低，我叫佢妹豬，拍拖得19歲，阿妹阿妹咁叫落嚟，我屬豬，佢叫我豬豬，有時就豬豬寶，佢叫我豬豬寶，一定要我回應叫佢妹妹寶，如果唔係，佢一直叫落去，哈哈哈！」
![]()
現在，妹妹寶失去了豬豬寶，希望妹妹寶保重身體，珍重萬千！
倪匡小資料：
倪匡（1935年5月30日－2022年7月3日），原名倪聰，字亦明。著名美籍香港科幻小說作家、編劇、評論家和節目主持人。倪匡寫作範圍甚廣，先後使用過的筆名包括：衛斯理、沙翁、岳川、魏力、衣其、洪新、危龍。除了科幻小說系列之外，他亦曾創作不少靈異故事、少量武俠小說、偵探小說和色情小說。作品包括《衛斯理系列》、《原振俠系列》和《女黑俠木蘭花系列》等等。90年代，倪匡曾與黃霑、蔡瀾合作主持亞洲電視清談節目《今夜不設防》。金庸、倪匡、黃霑與蔡瀾更被美喻為「香港四大才子」。
倪匡
祖籍中國浙江寧波鎮海的倪匡出生於中國上海市。1951年，16歲的倪匡為了追尋烏托邦理想，從江蘇省立上海中學輟學離家，隻身從上海北上蘇州進入華東人民革命大學第四部受訓三個月，然後參加中國人民解放軍華東公安部隊成為基層軍官，參與過蘇南的土地改革和蘇北洪澤湖的治理淮河的工程。
1955年，倪匡志願報名去了內蒙古呼倫貝爾盟的扎賚特旗綽兒河畔開闢勞改農場種植水稻。他帶著一批勞改犯人先到了鎮江，換乘火車專列北上，經鄭家屯、在黑龍江省泰來縣下火車，然後連續三天乘搭馬車或步行才到逹目的地「保安沼機耕農場」（即內蒙古自治區第四勞改管理大隊，現為內蒙古自治區監獄局保安沼監獄）。
期間倪匡多次爭取出差機會，更深入大興安嶺林區深處採購基建木材，又到東北的大中城市採購物資。可惜他漸漸意識到共產黨內種種不合理的行為，跟宣傳的平等世界完全是兩碼事。軍隊內部就有不少特權，而且事無大小都要匯報思想、開會檢討，致令愛好自由的倪匡越發感到不滿和失望，並經常跟上級爭拗。
1956年冬，在一次風雪中運煤途中，他和另外幾名同胞將一條木橋拆下來生火取暖，結果被勞改大隊書記指為「破壞交通」，罪名為反革命，遭隔離軟禁數個月。另外，他偷偷飼養的狼狗又把大隊長咬傷，這兩罪合併計算，足以被判監禁十年。
倪匡決定逃亡，連夜騎馬趕到泰來縣火車站，乘坐列車到達大連，再乘船往上海。然後繼續南逃到達廣州。他利用刻製印章瞞過關防人員，逃離中國大陸。1957年7月，倪匡經澳門成功偷渡到達香港。自此以後，他從未踏足過中國大陸。
抵港初期，倪匡在工廠當雜工，晚上在大專院校進修，後來投稿《真報》和《工商日報》，文章不但被採用，還獲《真報》聘用，先後出任校對、助理編輯、記者和政論專欄作家。倪匡的政治意識型態和寫作思維，跟他年輕時在中國大陸的經歷有著密切關係。1957年，他在《工商日報》發表了第一篇小說《活埋》，內容是描述中共的土改故事。
翌年，倪匡以筆名「岳川」開始創作武俠小說。早期作品包括「女黑俠木蘭花」、「浪子高達的故事」、「神仙手高飛的故事」和「六指琴魔」等等。 1963年，他開始以筆名「衛斯理」來創作科幻小說，於《明報》副刊連載，並出版了《衛斯理》系列小說高達140多本。倪匡表示除了填詞與廣告文字創作之外，什麼種類的文章也寫過，包括小說（武俠、推理、科幻、奇幻、愛情、情色）、散文、雜文、專欄、政論和電影劇本。
倪匡創作了超過三百多個電影劇本，其中代表作有1967年張徹導演的《獨臂刀》和1972年羅維導演的《精武門》等等，劇本均由倪匡撰寫。倪匡自述他在高峰期，曾一天寫下二萬字，十二份報章刊登其作品。
倪匡自言寫作最喜歡玩花樣、變題材，最不喜歡自我重複。倪匡更自稱是全世界寫漢字最多和最快的人，因為自1957年進入文壇以來，直到2005年封筆，四十多年寫作生涯，曾一個星期寫足七天，每天寫數萬字。他還透露，當年高峰期的稿費和版稅，一年超過二百萬港幣收入。
1959年倪匡與李果珍結婚。婚後育有1子1女，分别是倪震和倪穗。倪匡妹妹亦舒是著名文藝小說作家。兒子倪震曾任電台主持人，並與香港女星周慧敏於2008年12月註冊結婚。1986年，倪匡信奉基督教。
倪匡從不掩飾其反共的立場，說自己親身經歷過中國共產黨很多倒行逆施的事情。他表示共產黨最可怕之處就是洗腦和控制別人的思想意志，人在共產黨的制度裡只會變成完全服從的機械，非常恐怖。
倪匡又表示自己從不相信所謂的「一國兩制」，直言「一國兩制是共產黨說的，共產黨的話什麼時候靠得住？數十年來沒實現過一句話。」倪匡又說「共產黨管治的地方怎麼會有希望？沒有希望，等於中國大陸任何一個城市一樣，只剩下『共產黨的貪官要在這裡匯錢到西方世界』」。倪匡對香港未來感到悲觀，於1992年移居美國舊金山，但因妻子不習慣美國生活，無奈地又在2007年回流香港。
倪匡從不掩飾其反共的立場
晚年的倪匡受到皮膚問題困擾，他在出席2019年香港書展的專題講座時，透露自己患上皮膚癌後失去味覺，在接受醫生意見後，決定放棄治療，而妻子李果珍則患上腦退化症。2022年7月3日下午，作家沈西城在Facebook表示倪匡已離世，享年87歲。
謝謝大家喜歡叮噹的小窩
