約克(York)位於英國英格蘭北部，是英國衆多的自治區之一，整個古城區均被城牆圍繞著，烏茲河(River Ouse)把古城分成東西兩岸，古城的景點大部份位於西岸。約克是個歷史悠久的古城，城內盡是古舊的建築物，電影哈利波特很多場景也是在城內取景，因此把這小鎮帶紅了，令很多波特迷專程來朝聖。
旅居英國 • 動態移民 – 序
個個都話要移民，唔通個個都鐘意移民咩？
世界封閉了2年，幸好肥波預計到廢鹽會越來越廢，英國由2021年11月開始放寛入境了，肥波的確有遠見。
小太熊都有廿年冇在屋企屈咁耐了，一肚子悶氣谷到上心口，建議話不如退租去英國啦，於是由11月開始計畫這次「旅居英國 動態移民」超級長旅程，計畫買張單程機票在2022年3月中出發，估唔到計劃期間發生好多事，航機經常被取消，老普又開始攪事，腥港又不斷吹風話玩封城，日日玩圍封大廈，不確定性越來越大，最後決定提早二月出發早走早著。
退租四日之後才出發，暫時無家可歸，要在酒店暫住。
旅居英國 • 動態移民 – Day 01
今日出發好緊張，昨天又驚住所被圍封，又驚航機被溶斷，好彩最後都平安離境進入機場禁區，個心定返晒。
因為之前變數太大唔敢比錢預訂火車、船和酒店，現在入了禁區個人才安心，食完飯便立即上網買英國火車證Two Together Railcard，訂埋重要的交通和酒店等等。
乘卡塔爾航空(單程票每位HK$2320)，貪佢用空機來腥港接人走唔會被溶斷。
旅居英國 • 動態移民 – Day 02
飛機在 多哈時期03:10再起飛，距離目的地好近了。
<<倫敦>>
排隊時買了12:56-14:47從London King’s Cross Station去York的火車票，諗住預鬆少少時間，三個多鐘由機場去到火車站實冇問題啦。
入境手續非常順利，完全冇嘢問。入境後立即買張Oyster Card，入£35用住先，再行去機場地鐵站想坐地鐵到King’s Cross Station。
人生路不熟，又冇巴士直接去King’s Cross Station，坐的士或者Uber要超過£100，仲貴過穿梭機，唯有簡單些坐機場快綫往Paddington Railway Station再作打算。在Paddington Railway Station出閘時被扣了£25，痴線咩咁Q貴，坐Tube只係£5.5，後來發現用Two Together Railcard 在Trainline Apps買票2人只係£15.3(慳返£34.7)，今次真係超級on9。
在巴士站發現有Bus No.205可以去到King’s Cross Station，7～10pm 一班車，便決定坐巴士，點知等了20min連續失蹤了兩班車，都唔知係咪巴士司機又有咩商業行動，最後決定步行4.5km去King’s Cross Station。
11:15終於行到了火車站了，成身汗又濕又凍好辛苦，搵個位坐低著返多啲衫。
<<約克>>
今日係英國的第一晚，小太熊昨天話要打響頭炮，揀間好嘢歎吓喎，我當然贊成啦，唔係打咀炮便可以了。
放下行李在房內飲杯茶歎一陣，趁好太陽往外出走走。
過完河之後從城牆走返落古城繼續行街，York古城內滿佈歴史建築，行幾日都唔嫌。
今日好攰，早點回酒店休息，在酒店附近買些外賣返房食。反正今次在York住5日大把時間，明天再慢慢行。
已經攰到不能再攰，原本諗住浸浴都冇浸了，都係Book埋啲車票和酒店，早點休息。
