英國約克古城內的老街Shambles Street(肉舖街)
Shambles Street(肉舖街)是哈利波特電影裡 斜角巷(Diagon Alley)的現實版，位於英國York古城之內，窄窄的小巷滿佈外型古怪的小屋和特色商店，霍格華茲必備用品單上的所有東西都能夠在這魔法小巷買到。
旅居英國 • 動態移民 – Day 05
<<約克>>
Hampton by Hilton York Hotel地下餐廳晨早07:00時段都好清靜，差點便包了個場。
自助早餐的種類唔多，不過樣樣都好食，而且淨係食新鮮水果都足夠了。
食埋呢碟再飲支豆漿已經飽到黃昏。
步出酒店已經很大雨，今日持續雨天，整日行街都要撐起雨傘。York古城已經行得七七八八，今早往鐵路博物館行吓，博物館雖然入埸免費，但都要上網免費訂了票才可以進入。
大英鐵路博物館 (National Railway Museum York) – 位於英國約克火車站旁邊，主要介紹英國鐵路的發展歷史，當中包括展覽英國鐵路不同年代的火車型號，同時亦有少量外國的鐵路型號，例如日本新幹線。博物館曾經獲得歐洲最佳博物館獎項，值得花時間一到。
鐵路博物館內的佈置充滿舊英國的風格，老舊的售票機、路牌和餐廳，像把以前不同地區的火車站搬到現代。
展品有不同年代的火車，由最舊的蒸氣火車到最新的EuroStar都有。
![]()
![]()
![]()
![]()
這是郵政車卡，郵差會在火車上把收集到的郵件分類。
往日英國的各類豪華列車也有展出，今日的東方快車豪華程度也不能比較。
York火車站 – 位於火車博物館旁邊。
行完火車博物館依然很大雨，小太熊便上網在古城內揀了間酒館，叫我去坐吓囉。
酒館Pivni – 在Newgate Market隔離，外觀設計很有德國風格，小太熊話呢度的手功啤酒好出名，叫我試返幾款歎吓。
Satellite櫻桃手功啤酒(1 Pint~£7.8) – 味道特別的啤酒，櫻桃味濃，大淡飲感覺幾過癮；Vocation蘆薈手功啤酒 (1/2Pint~£2.9) – 味道清爽帶蘆薈香味，好飲。
仲叫了包花生送酒，Menu明明寫住要£1的，但唔知點解冇收我錢喎，唔知係咪個女生入見我靚仔請我食呢。
飲完酒繼續雨中漫步古城，舊城區內的所有商店都裝飾得好靚，如果錢多真係想逐間買啲嘢。
雨勢完全沒有減弱，都冇心機行街了，早點Check in今晚的酒店。
Wheatlands Lodge Hotel – 由York民居改建的酒店，外觀設計特出，位置在第一晩的酒店The Mount Royale Hotel隔離街。
酒店的住客休息大廳好舒服架，生了火爐氣氛好溫暖。
酒吧難得的清靜，其實大部分時間都坐滿客。
雙人房(連早餐)每晚£98 – 房間比較殘舊，一般整潔，望住街景尚算開揚。
今晚在超級市場Sainsbury’s買了晚餐，每人一個辛辣杯麵(£0.95)，一個福麵(£0.88)和一條香蕉(£0.25)，Share一罐沙甸魚(£0.45)。
夜晚終於停雨了，Last一晚，決定再入古城內行夜街，不過小太熊話眼瞓唔去了，我自己一個行。
夜晚的Wheatlands Lodge Hotel似唔似鬼屋呢～
約克古城 Ouse Bridge(烏茲橋)
過完橋便開始Ghost Walk，唔知會撞到咩鬼呢?
離遠已經見到有十多人集合了，佢哋咁多人，鬼都怕左佢地啦。
今晚不知為何很多鬼團啊，行過見到街尾又有一團。
行過Shambles Street(肉舖街)又見到一大團Ghost Tour，足足有廿幾人。
可能今日係星期五啊，街上特別多人，和之前幾晩的冷清清真大分別。
All Saints’ Church, Pavement, York – 英國的一級歷史建築。
York Minster(約克大教堂)
Shambles Street(肉舖街) – 今晚真係太夜了，已經開始冇乜人，所有店舖亦已經關門。
人氣最旺盛的只有酒吧。
街上開始少人，感覺有點恐佈了，都係走為上著。
Roman Fortress - York古城西部城樓門口，行到這裡太靜都驚比人老笠，都係回頭行返酒店了。
在古城行了成晚Ghost Walk都見唔到一隻鬼，只係見到好多鬼佬和鬼妺。明天要回到倫敦住6晩。
