倫敦泰晤士河畔 西敏宮(Palace of Westminster)
西敏宮(Palace of Westminster)位於倫敦西敏市泰晤士河畔，又名 國會大廈(Houses of Parliament)，是英國國會(包括上議院和下議院)的所在地，二戰期間曾遭到德軍轟炸差點Total Loss，1987年被列為世界文化遺產，毗鄰的 大笨鐘(Big Ben)是1858年建成的倫敦市地標古鐘樓，正式名字叫 伊利沙伯塔(Elizabeth Tower)。
旅居英國 • 動態移民 – Day 08
<<倫敦>>
繼續上一篇行程，漫步倫敦市。
沿著泰晤士河漫步，來到 西敏橋(Westminster Bridge)。![]()
西敏宮(Palace of Westminster)今日有裝修，外觀沒有預期中的完美。
喬治五世像(Statue of George V) – 1910至1936年的英國國王，45歲登基直至飛昇為止。
西敏聖瑪格麗特教堂(St Margaret's Church) – 是英國聖公會教堂，也是英國下議院的教區教堂，位於西敏寺旁邊。
西敏寺(Westminster Abbey) – 位於倫敦西敏市的哥特式建築教堂，一直是英國君主安葬或加冕登基的地點，1987年被列為世界文化遺產。
St James's Park – 倫敦市的大型公園，位於白金漢宫旁邊，適合無無聊聊Hea半日。
騎兵衛隊博物館(The Household Cavalry Museum) – 首相府隔離的博物館，大樓外的廣場和外觀都相當有氣勢。
特拉法加廣場(Trafalgar Square) – 建於1844年，滿佈舊建築物的廣場，廣場上亦有很多藝術品，這獅子最有氣勢。
![]()
![]()
又行到去唐人街，今日再入點貨返酒店做晚餐，因為在英國成日出街食真係會食到窮，而且英國餐廳的食物很多都係一般質素，只有環境好。
今日買了 辛辣麵(5個裝～£4.35) ; 出前一丁(每個£0.59) ; Mama冬陰杯麵(£0.5)和 辛辣碗麵(£1.55)
今日午餐去倫敦人氣餐廳Burger & Lobster朝聖，個個都話佢好好食，一定要試試啦。Burger & Lobster在倫敦有幾間分店，今次去Soho店食。
Burger & Lobster (Soho分店) – 今日冇乜人喎，只係得30%客左右，好清靜。
我今日可能中了老漢廢鹽，出現腦霧，大大隻字特價Lunch Menu對眼見到都傳唔到去個腦，on99叫了冇特價的食物，無啦啦比貴十幾磅。
Red Claw Lager (1 Pint～£6.8) – 清淡易入口的生啤。
B&L Combo Half lobster and 5Oz Burger with Cheese (£31.5) – 是餐廳的招牌套餐，有半隻大鉗龍蝦約250g，一個細芝士漢堡，沙律和薯條。龍蝦身的肉幾鮮甜爽口，蝦鉗更多肉更甜更脆，漢堡包牛肉Juice好食，薯條外脆內軟又夠粗身口感味道都一流。這個Combo Set很滿意。
Classic Oysters (£23.5) – 蠔肉晶瑩爽脆蠔味夠濃，不過好似未發育細隻過蠔豉，超級貴價食得唔爽，下次唔叫。
Queen Scallops (£12.4) – 叫得做Queen但估唔到個皇帝咁變態鐘意衰十一，呢個Queen完全未夠秤未發育，粒肉細到嚇親人，不過很鮮甜，加上洋蔥蒜蓉牛油焗得很香口好好食，可惜得5隻唔夠喉而且太貴，下次唔叫。
不過都係後悔冇叫Lunch Set的Lobster Roll 和Whole Lobster，抵食好多啊，決定下次再來食Lunch。
食完飯開始日落了，再行返出泰晤士河睇夜景，又路 特拉法加廣場過(Trafalgar Square)。
倫敦之眼(London Eye) – 一個人要廿幾磅，太貴唔捨得玩。
亨格福德橋和五十週年紀念橋(Hungerford Bridge and Golden Jubilee Bridges) – 亨格福德橋建於1864年，位於英國倫敦泰晤士河上的鐵路橋；五十週年紀念橋是建在其兩翼的步行橋，建於2002年。
![]()
日落倫敦西敏宮(Palace of Westminster)
河畔的遊戲和快餐車都幾淡靜。
由日落等到天黑，今晚非常冰冷，雙手凍到影相都有困難，好彩夜景都好靚，值得。
Palace of Westminster![]()
大笨鐘(Big Ben)
西敏橋(Westminster Bridge)
西敏宮(Palace of Westminster)
倫敦眼(London Eye)
太凍頂唔順了，乘地鐵(£3.2)返酒店。
返到酒店食杯面做晚餐，慳返些少啦，始終英國的飲食費用唔平。
旅居英國 • 動態移民 – Day 09
今日又係天晴，英國的天氣反常啊，成日出太陽。
早上06:45食早餐，早點出門口行街。![]()
Holiday Inn的自助早餐食材真係唔差，尤其係麵包，日日食都冇厭。奶茶係Twinning茶包，仲有多款味道任揀。
食完早餐先在酒店附近Hammersmith這區行街，了解一下倫敦的民生。
宜家傢俬 – 英國的傢俬整體上比香港貴，款式就差唔多啦。
JoBaz咖啡因防脫鬆洗頭水(300ml)只賣£2，平到笑喎，立即買一支試吓，未來在英國的日子也轉用這款洗頭水了。
跟著由Hammersmith地鐵站慢慢行3km去Kensington Gardens和Hyde Park (海德公園)，可以順便看看倫敦旅遊區以外社區的環境。
St Paul's Hotel – 行冇幾耐便在馬路旁見到這間古宅酒店，好靚啊！小太熊話我哋都住得起的，早知我咁鐘意就在這裡住一晚喎。
St Mary Abbot's Church – 位於Kensington High Street，建於1872年的天主教堂。這類教堂在英國像香港的7-11咁多。
Kensington Gardens – 終於行到公園了，倫敦的公園實在又大又清靜。
天鵝鴛鴦水鴨都在湖上嬉水，又果放在某蝈一定已經被清燉了。
有馬車經過啊～真係富貴，唔知係咪皇室呢。
海德公園(Hyde Park)內的Coffee Shop環境好到不得了，買杯咖啡坐低歎吓先。
Cappuccino (£3.3) – 2個人飲一杯咖啡，英國人一般都唔會咁樣的，不過我哋只係窮L又想歎，冇辦法啦。英國的咖啡味道不是很出眾，永遠都冇乜驚喜，價錢亦好穩定，不論是高級餐廳或是街邊，價錢也相差不大。
繼續無無聊聊行吓公園影吓天鵝。
離開海德公園之後沿Green Park 外圍和Regent Street行街，再轉入Oxford Street然後行去倫敦動物園，中途入商場食少少野。
威靈頓拱門(Wellington Arch) – 位於英國倫敦海德公園南部的一座凱旋門，建於1830年。
Piccadilly街上很多街邊露天茶座。
Itsu – 發現有日本壽司店，是主要賣三文魚壽司的連鎖店，小太熊好想食，便入去買一盒試吓。店內全自助，在雪櫃睇啱邊盒便攞去比錢，盒上的價錢是外賣價，堂食要加12.5%。
雜錦壽司盒 (£9.21) – 有三文魚壽司、吞拿魚壽司和牛油果醬小卷，味道和飯的口感就一般，算係幾平穩，因為太耐冇食壽司所以都食得好開心，在英國始終很難吃到高質素的壽司。
