英國倫敦 泰晤士河(River Thames)
泰晤士河(River Thames)是英國的地標河流，位於英格蘭南部全長346km，是英格蘭最長的河流，把倫敦市一分為二。泰晤士河為其周邊地區提供了飲用水源，除了倫敦之外，還包括了太學之城牛津。
旅居英國 • 動態移民 – Day 10
<<倫敦>>
繼續上一篇行程，食完芝士之後行去睇歌劇。
13:00食完芝士行返去Leicester Square的平價歌劇售票處TKTS看看，孤星淚今日 終於有折扣票賣，£35起可買£45以上門票，早知前幾日唔買票住。
Sondheim Theatre – 演出孤星淚(Les Miserables)的歌劇院，今日14:30會在這裡睇歌劇。
歌劇院門外掛滿了熟悉的海報，雖然睇過幾次，但依然覺得咁好睇。
14:00夠鐘入場睇歌劇，英國人喜歡入場之前先在劇院外飲杯嘢吹吓水。
今次在網上買了£35票(最平£22.5)，因為唔係貴票，坐位睇唔到舞台的的高處，不過基本上都清楚的。
孤星淚音樂劇於1980年首次公演，至今已經連續42年，估唔到仍然有大量觀眾，連我都第二次入場睇了，全套劇約2.5hr。
![]()
![]()
很快便睇完，「Do you hear the people sing?」一首扣人心弦的歌曲作結尾。
演員謝幕時全場掌聲如雷，下次去巴黎一定再睇。
散場已經天黑了，乘地鐵(£3.2(繁忙時段)返酒店附近食晚餐。
Eat Tokyo – 今次試吓這日本餐廳，Eat Tokyo在倫敦有幾間分店，間間都人氣爆燈，人客什麼人種都有，應該唔會難食的。
全場爆滿，在門口等了一會兒才有位。
清酒Tokyo Z1(180ml)(£9.9) – 太耐冇正經食餐日本嘢(其實都只係三兩個星期，不過感覺上真係好耐)，飲啖清酒感覺好正。
每份餐都送一碗 麵豉湯，好味喎，一定好味過元氣。
刺身壽司雞肉定食(£13.5) – 賣相和味道也完全合格，只係件吞拿魚黑咗少少，但味道正常的，應該只係個品種的問題，對這個套餐好滿意。
刺身壽司鰻魚飯定食(£13.5) – 鰻魚唔差，刺身和壽司都合格，飯的質素比預期高，好食滿意。
Eat Tokyo是英國少有會食完想返轉頭再食的餐廳，除了食物唔錯之外，價錢也相對比較平，很多日本餐廳用這價錢只能食到日式咖哩飯或者拉麵。
早出晚歸好攰啊～
旅居英國 • 動態移民 – Day 11
繼續全日天晴。
今日係倫敦最後一晚，明天便乘火車離開，前往威爾斯北部小鎮Betws-y-Coed住7晚。晨早照舊在酒店食早餐，今日真係覺得食到有啲悶了。食完之後在附近超級市場買些油鹽胡椒蜜糖、Pasta和芝士等食物，預備未來7晚可以自己煮嘢食。
今日Hammersmith有個市集，離遠都見到香噴噴，可惜冇Quota再試，而且價錢亦覺得好貴唔捨得試。
![]()
![]()
坐地鐵(£2.6)由Hammersmith到Tottenham Court Road，往 大英博物館參觀。
大英博物館免費入場，記憶中上次來是要入場費的。
今日勁多小學雞，佢哋要做功課架，個個都對住唔同的展品狂寫Note。眼見現在英國小朋友的人種原來已經好雜，白種人佔的比例已經低於一半。
博物館內收藏了大量其他國家的歴史文物，睇個款應該係英國以前做海盜時老笠回來的了。
埃及廳收藏了大量埃及文物，可能仲多過埃及本土啊。
上樓上仲有很多不同國家的展品。
呢位先人頭骨破列，個樣似係死在九陰白骨抓之下啊～
連日本漫畫都有收藏，英國人的興趣都幾廣泛。
連自古以來就屬於中國的文物都有啊，為什麼中國唔問英國攞返呢？可能中國認為英國自古以來都係中國一部分，所以覺得這些文物都係放在自己國土，冇問題囉。
![]()
![]()
Museum Tavern – 大英博物館對面有酒館，出名食炸魚薯條，原本想入去食lunch點知爆滿冇位，冇得食添。
坐地鐵(£2.5)去London Bridge站，在Borough Market食午餐。
The Shard (碎片大廈) – 英國最高的建築物，又名摘星塔，高309m，於2013年2月建成，位於倫敦London Bridge站旁邊，大廈31/F餐廳Aqua Shard的Afternoon Tea相當有名。
波羅市場(Borough Market) – 位於火車橋底，倫敦規模最大及歷史最悠久的食品市場，睇落好多都好美味，不過價錢不單止唔平，簡直可以話好很貴，和大餐廳差唔多。
食物價錢雖然很貴，但眼見大部份人都好捨得消費，個個都攞住食物飲品站著邊食邊吹水。
Borough Market嘢食的種類繁多而且品質很高，水果、牛肉、芝士、三文魚子、海產和雜菌意大利飯真係睇到都想食。
呢款 海螯蝦(Langoustines)在蘇格蘭食過幾次都好鬼死鮮甜的，不過今日冇試。
Applebee’s Fish – 終於搵到呢檔冇咁貴又香噴噴的無酵包，用中東無酵餅包著炒香了的蝦肉或魚肉，即叫即炒見到都流口水。
Mixed Fish & Prawn Wrap (£7) – 無酵餅包著蝦肉和魚肉，蝦肉又大又爽口魚肉味美嫩滑，加入了秘製香汁一齊炒非常香口，淡淡的無酵餅也充滿自然麵包香，十分好味的三文治。
Dorset Oyster Bar – 終於找到平價生蠔，£12有6隻中蠔，其他檔口呢種Size全部要£3~3.5。
開蠔叔叔個造型似唔似哈利波特的Dumbledore呢？
Prosecco Rosé (£4) – 在隔離檔買杯Rosé送蠔，細細杯已經要£4，搶錢囉。
Poole Harbour Rock Oyster (6隻～£12) – 蠔肉厚身大隻口感新鮮爽脆，蠔味亦濃，比Burger & Lobster £3.5一隻的蚊形生蠔不知好多少倍，抵食；Prosecco Rosé (£4)
Oyster Bar – 另一檔同等Size生蠔每隻要£3.5，不過佢有海膽可以做刺身，試得過。
海膽刺身(£4) – 味道新鮮濃郁完全唔腥，正，好食過西貢海膽，但當然和北海道馬糞海膽有段距離了，也比不上海參威的海膽刺身。
呢檔可以免費試食西班牙炒飯，味道幾好架，但買一小兜都要£10。
行去波羅市場附近有另一個火車橋底市集Flat Iron Square，不過這裡就水靜河飛了，大部分商店都冇開門。
全日節目完畢，坐地鐵(£2.6)由London Bridge返酒店，順便買點外賣回去做晚餐。
今日晚餐很豐富，有M記芝士漢堡(£0.99)、葡撻(£0.49)、葡提子(£1.49)、1-Pint牛奶(£1.2)、Mama冬陰杯麵(£0.5)，香蕉、橙和朱古力蛋糕是早餐時未食的，全份晚餐每人£2.99，好慳啊，不過真係好味過好多餐廳。
