威爾斯最高峰斯諾登山(Snowdon)

由小太陽於 2022-11-17 22:35:53 發表 | 累積瀏覽 828

分類：長線旅遊；地區：歐洲

威爾斯最高峰斯諾登山(Snowdon) - 山中湖泊Llyn Du’r Arddu

斯諾登山(Snowdon)位於威爾斯Snowdonia National Park國家公園內，是威爾斯第一高山(1085m)，英國的第二高山(英國最高峰是位於蘇格蘭的1345m Ben Nevis)，從山腳行上山頂約需2.5hr，整段山路寛闊易行，在夏天旅遊季節更有登山火車直達山頂。

旅居英國 • 動態移民 – Day 15

<<斯諾登山>>

繼續上一篇登山行程。

早上11:30行到另一條登山火車橋，這裡有一位置可以擋住山風適合休息，過埋這處便要再行大約1hr直上山頂，中途再沒有擋風地點。

接著一段山跑設在火車軌旁邊，夏季時可以和火車一齊行。

最後30min路程特然刮起超級強風，而且氣溫急降，吹到靈魂離體，再夾集雨粉，凍到寒氣深入骨髓，好彩今日帶夠衫，立即把所有可以穿的衣服和手襪穿上，頂硬上繼續行，可惜小太熊決定放棄了，佢話叫我自己攻頂，佢在一個比較細風的彎角等我。

不用就住小太熊的步速，我便加快速度快步上山。

霧氣非常之大，視野不足10m，要小心跌落山。

開始見到結冰了，零度加埋強風真係好金。

越近山頂越多人，佢哋個個都唔怕落雨低溫和強風，英國人就係咁適應大自然，小太熊應該要學吓人哋啦。

近山頂位置的草皮都結滿晒霜，證明這裡長期都咁凍。

12:22成功攻頂，登上威爾斯最高峰Snowdon(1085m)。

山頂標柱位置只有0℃，風更強到人都吹郁，要用力把重心降低才能穩定個人。停了唔夠2min，影完相之後便全速落山。

落山了，大霧到乜風景都冇。

不久便回到小太熊的位置同佢會合，佢又話後悔冇捱到上山頂喎，佢話剛才那個被我們爬頭的肥妹已經爬返佢頭，我話我知吖，落山時見到佢慢慢捱緊上頂，佢話連肥妹都行到佢都應該一定得喎…..係囉…..咁下次啦。

開始落山一段時間天氣明顯有好轉，雨停了，雲冇剛才咁黑咁厚。

個天好似玩我哋咁，落山後期天色又再越來越差，尾段更加開始落大雨，比早上任何時間更大，好彩今日全身都防水，不過因為天氣凍，都好辛苦。

差不多行到Coffee Shop – Pen Ceunant Isaf，全身衫褲亦濕晒。

<<Llanberis>>

最後在14:40行到山腳，今次上山 09:50-12:25，落山12:25-14:40，全程只用了不足5hr，狀態唔錯。回到小鎮Llanberis，雨勢完全沒有減弱，防水鞋和防水褲都頂唔順，襪全濕透了。

St Padarn's Church – 小鎮Llanberis超過1400年歴史的教堂。

好肚餓了，行入小鎮Llanberis搵嘢食。想去餐廳食午餐，但Llanberis像死鎮一樣，所有餐廳都關了門。

好彩行到最後有一間餐廳營業中，可以食少少野順便避吓雨。

Pete's Eats Café – 小鎮Llanberis內唯一營業的餐廳。

人客唔夠半打，唔怪之得其他食店都費事開門了。

免治牛肉千層麵(Beef Lasagne)(£5.5)；薯條(£3.9)；Palazzo White Wine 125ml (£3.5)；熱奶茶(£2.3) – 千層麵的味道唔錯，芝士Topping又香又滯，厚切手功薯條很脆口好食。

<<Betws-y-Coed>>

雨勢完全沒有減弱，食完午餐之後坐巴士返到屋企才17:00，可以沖完涼再煮飯。

雜錦芝士雖然唔好食，不過都食埋佢唔好嘥啦，夾啲餅乾好食少少。

香煎三文魚腩伴大蝦 – 昨天買的三文魚腩新鮮肥美，雪藏大蝦很爽甜，抵食。

全餐晚飯成本每人約£6。

旅居英國 • 動態移民 – Day 16

今日天色時晴時陰，好彩冇乜落大雨。

晨早又要起身煮早餐，廚房夠大真係開心。

餐蛋咖哩出前一丁麵 – 仍然覺得好好食，始終都係香港口味啱食啲。

07:58有火車經過屋企，係頭班車呀，精彩的一日又開始。.

今日會坐巴士去小鎮Beddgelert，還有一個鐘左右空餘時間，天色又靚爆，決定快步再行一次Betws-y-Coed的五大景點。

晨早的火車站很清靜，遊客未到嘛。

Betws-y-Coed的貴價酒店Royal Oak Hotel，性價比唔高。

Afon Llugwy – Afon是威爾斯文，解作河流。

Pont-y-Pair Bridge

Betws-y-Coed火車站

St Michael's Church

Sapper’s Suspension Bridge

所有景點雖然已經去過，但藍天下特別靚。

回到屋企隔離的巴士站，乘0910-0929的巴士No.S2，司機知道我們目的地是Beddgelert，要在中途站落車轉另一架同公司的巴士No.S4，便介紹我買全日票Adult Sherpa Day，每位£5，慳返£0.7不用買1 bws Ticket。

乘這架S2巴士出發

在Pen-y-Gwryd下車，要等38min。

Pen-y-Gwryd乜都冇，只有一間未開始營業的酒店，想坐低飲杯嘢都唔得。

1007-1025另一巴士No.S4準時到達，上車直往Beddgelert。

<<Beddgelert>>

回程巴士的班次有限，要在Beddgelert停留5.5hr，可以慢慢行。Beddgelert都有唔少山徑，今日揀了The Legendary Trail of Dinas Emrys這條山徑，從巴士站來回共7km，供計行2.5hr，所以有時間慢慢行埋Beddgelert這小鎮。

Beddgelert Railway Station – 是英國的文化遺產，威爾士高地鐵路(Welsh Highland Railway)的其中一站，平時冇乜火車經過的。

Church of St Mary – 位於小鎮Beddgelert的中心，威爾士最古老的基督教堂之一，屬於二級保護建築，1284年曾被一場大火燒毀。

開始行The Legendary Trail of Dinas Emrys，從小鎮Beddgelert起步。

Afon Colwyn – 首先沿著小河Afon Colwyn欣賞Beddgelert這小鎮。

沿河流向Sygun Copper Mine的方向行，看見的石屋和枯樹都很荒涼。

很快行到Craflwyn停車場，開始進入原始山徑。

山徑長滿少見的植物，大部分都異常翠綠。

沒有名字的瀑布，很有仙氣。

長滿青苔的山丘，仙氣之重可以媲美日本屋久島。

小徑雖然有原始風景，但條路大部份是爛泥，好難行的。

山林內的枯樹好正呀，好似鬼抓一樣咁恐怖，入黑後一定唔敢行啦。

鐘意SeeWide的分享，給我們一個Like吧！

檢舉

攻略日期：N/A

攻略地點：歐洲
攻略時間：N/A

是次消費：N/A

共0人比"掂"

EEChan 於2022-11-18 00:26:04 留言
你真係好喜歡行山
天氣好風景特別靚，下雨大風就行得辛苦。
舉報回覆
No.1

小太陽於2022-11-18 06:39:18 留言
原文由 EEChan 於 2022-11-18 00:26:04 發表
你真係好喜歡行山
天氣好風景特別靚，下雨大風就行得辛苦。

要做吓運動啊，球類又唔係咁啱玩，便行多啲山，平時在香港都個個星期有行的。
在英國大風起來都真係幾跨張，尤其是西部啲風由大西洋吹來，經常人都吹郁。
舉報回覆
No.2