慶祝33週年結婚紀念日晚餐在意樂

唔經唔覺同老公踏入33個年頭，33年唔算好長應該都唔短，但到今日仍然覺得唔喺好耐，一直大家都開開心心，雖然都有唔開心的時候，但多謝老公一直陪伴著所以好快就無事，今晚本來同囡，細妹出去食返餐慶祝一下，點知大囡原來有嘢做今日唔得，咁改咗明晚先同我哋補足，原本買嘢回家食，老公提早昨日買咗花，每年都喺一扎花咁多年都無變，今年就特別唔係玫瑰而喺太陽花都幾靚，因為太夜啲玫瑰唔靚所以買咗太陽花，咁啱BB又12朝，公公婆婆一早帶來好多嘢送比囡囡同孫囡，好特別有蕉，有開心果，薑醋，豬腳，雞蛋利市，當然都唔少得我，一包開心果加一個利市，感覺好開心託BB福有禮物收，今晚同媽咪講咗6點前一定要收工，因為要同老公食飯慶祝，最後都係差唔多6點半先走，約咗老公出街食，因為細女突然要開會唔知幾點返話自己搞掂，叫我同爸爸出去慶祝咁我哋都係去返官塘花園餐廳，以前想食扒都喺去花園，返到官塘已經7點半，老公就喺街到等話無所謂叫我唔好趕反正我哋2個邊度都得，之前唔醒目應該叫老公去搵位先，我到咗去搵就可以，有時就喺咁原來全線結業都唔知喺幾時的事，我哋太耐無出嚟多數都喺去啲熟的地方，去到先知咁就諗住睇下邊度有類似的餐廳，行行下見到意樂記起幾年前喺長沙灣返學如果趕得切6點到就一定入意樂食個餐先去上堂，呢間門口的餐牌都有扒食就入去一試，坐低叫咗2個餐可加小食，叫咗好多嘢食唔哂就打包，老公話都唔係好多應該唔需要，最後打包咗排骨覺得好生，但她們話喺咁最初個伙記話換過份，但最後都無另一個話喺咁，我老公話算攞返嚟，雖然出咗些少問題同老公都食得好開心，希望我哋繼續開開心心過每一日每一年

餐只有湯，飲品另叫半價

呢個都喺加錢的沙律菜同芒果冰

加20蚊的小食之一

呢個主菜就喺燒排骨其實只得4條骨唔係出面個圖咁成條好長

主菜牛扒，雞扒蛋配薯條叫呢個餐叫啖啖肉

加16蚊的小食焗西蘭花味道都幾好

好特別的調味樽

我哋覺得唔熟，她們話喺咁，本來攞走一件話問下，轉頭收咗份餐話換過一份，後來另一個攞返件過嚟話喺咁無問題，果件已經唔知用咩嘢碟裝我哋話唔要，老公好蠢話算攞返份餐回，最後再切都見到紅無食

33週年的花

公公婆婆送比BB12朝的禮物

婆婆送比我的開心果同利市