唔知大家有無打乙型肝炎針呢?
你地又有無check過自己有無抗體呢?
上年,無意見接觸到有關肝炎既事
心血來潮想去check下
有個朋友仔推介左我去香港肝壽基金
我第一次聽到有個咁既基金會
後來上網一查,見到原來佢地做檢查同打疫苗到好平
仲要近我公司喎
一於下載表格,去做個檢查啦
自先第一步就係化驗
抽小小血,驗下個肝有無問題
同埋check下有無抗體
化驗只要$140蚊
以我所知,出去私家診所要數百元既
化驗後,如果你本身肝無事,又有抗體,就掂晒,乜都唔洗做了
但我無抗體,所以基金會就比左張野我去打針喇
一共要打三次,一共$380, 出面私家好似要成千元既..
打疫苗既地方好似只有兩個
我揀左銅鑼灣,好近公司既
因為佢平日只到6:30,所以我收工即趕過去
去到個到,係一個好簡單既小診所咁
無房既,有位女士幫我寫定下一次時間
就即刻可以打針,打針既聽聞係義工護士
佢地年紀比較大,所以我諗會唔會係退休護士呢?
跟住拉起衫袖,成個過程唔洗5分鐘,攪掂
第二次大約相隔一個月
又去上到去,登記下一次時間
打一針,走得
到尋日就係第三次,今次相隔比較耐
大約係兩三個月
所以佢地有訊息提示
一樣,今次唔洗再登記,打一針
跟住佢比左封相我,就係再去化驗所再抽血化驗
如果血液內已產生抗體就掂晒
但如果都係無,就要自己去私家診所打加強針喇
不過依個機會只係百份之五
成個過程簡單快捷
去化驗又唔洗左book右book既
自己直接上去就得
護士們都幾親切
咁平,又可以買個保險,
大家都可以去驗下,買個放心啦
p.s. 第一次打針唔會有提示架,自己收到信就係指定時間內上去打針就得架喇
有興趣上去佢地網頁睇下同下載表格啦 : http://www.liverfound.org.hk/11_1.htm
，當年大學好似有得免費/好平去打，自己傻更更無去
無行動)。等我搵日都去check下，同打返針先得
