香港出色大件夾抵食中菜館,超讚「糯米炒膏蟹」
去咗日本成個月,開始掛住香港嘅中菜。
今晚同蝦子餅去咗佐敦間神燈海鮮酒家
聽聞佢哋有隻黑色燒鵝,出於好奇試吓先
神燈海鮮酒家超級旺場,勁多一家大細,雖然環境有啲逼有啲嘈,但喺食物質素真喺好吸引,碟碟都勁大碟,好味又抵食。
雖然咁旺場,但每個職員都不忙招呼我哋,而且好好笑容,好似不時話俾我哋聽我哋無被遺忘,等我哋食得開開心心。
講返啲食物先
先上碟「即燒伊比利亞叉燒皇」$248
真喺即燒,係門口就見到熊熊烈火喺度燒緊
肥瘦適中,肉嫩多汁
能同時吃的到那肥美的油感和軟嫩的瘦肉
著名嘅「黑松露玻璃燒鵝」$238
以黑松露及秘製醬料醃製而成的黑漆漆外表,
但係又唔係濃,皮脆肉嫩好香口
烏黑油亮嘅燒鵝皮,香脆可口
鵝腿肉上的皮烤得很香脆,
肉質依然保持粉嫩色澤,吸滿黑松露精華好滋味。
配埋以黑松露煉製秘製法式松露醬,
酸酸甜甜帶有濃濃松露香超正!
之後就了我最期待的「糯米炒膏蟹」$568
口感相當煙韌嘅泰國糯米,
每粒飯粒都吸滿了蟹黃蟹膏以及蟹肉的鮮香,
啖啖鮮甜嘅蟹肉加埋充滿蟹膏香味嘅糯米飯
真喺食過返尋味!好想再食!
另外叫多碟「法式蜂蜜芥末蝦球」$168
估唔到隻隻都咁大隻
隻隻都爽口彈牙,相當滋味。
最後叫碟菜「濃湯一級竹笙浸翡翠」$168
連碟菜都咁大條,絕不失禮。非常清甜。
神燈海鮮酒家 (佐敦)
佐敦長樂街14-20號18廣場地下及1樓