順利完成個多月的陪月工作

時間過得好快，今日又last day 喺度祝她們一家健康幸福，BB快高長大健康活潑，一個月的陪月工作因以為出院去媽咪家先準備一切，薑水比媽咪回家先大洗一次，燉湯同煲湯，準備小食同晚餐，準備BB用品同回來沖涼的物品，之後一直等電話，大家都好心急，媽咪又擔心我夠鐘收工都未有消息又怕出到院我收工她們搞唔掂，我同媽咪講唔需要擔心出到院我一定等到回家安排好先回家，最後BB有啲問題出唔到，咁我就帶埋燉湯，小食同湯去醫院，因為第三日怕她已經谷奶又唔識處理，順便跟下BB 飲奶情況，因為政府生BB會跟身，如果飲得唔好會難排黃，去到搞到8點幾先走，回家又差唔多十點，好彩老公知我無食嘢已經煮咗些少菜比我，太夜都唔想食太多，之後在家等消息每日跟媽咪同BB 情況，好彩果日去跟跟，媽咪出奶出得麻麻，BB 食唔飽叫她每餐都攞奶水埋身後補咁BB個黃到出得院已經唔太高，之前同媽咪解釋一定要補奶，未知BB點解出唔到，怕搞掂完又到個黃唔出得，住多5日BB 出得媽咪好開心通知我，剛喺星期六見已經過12點以為出唔到就同2個女去飲茶食午餐，點知坐底叫咗嘢就收到媽咪通知好消息3點走得，我話喺街最快3點半先到，她話無問題，咁就立即趕回家攞嘢還買埋湯料晚餐，個媽咪話可以最好準備埋4人晚餐，我只好話盡量，攞咗行李去買埋餸就趕去醫院等，3點半等到5點先走得，早知就唔需要趕，個媽咪又無講到咗又call 唔到，原來公公婆婆同她老公都陪住媽咪，我就喺出面傻傻咁等，等到她們一齊回家非常忙，先BB沖涼餵奶，安排媽咪洗頭沖涼後教泵奶，跟住就去處理煲湯同晚餐，跟住BB 又到另一餐就順便教埋身，沖奶，換片，明天喺星期日應該唔返但怕她們搞唔掂，就星期日都返連做8日先休息，果晚搞到9點幾先走又遠回家已經差唔多11點只食少少就搞掂去休息因為又早出門，好彩家中各人休息，初頭幾日非常忙，每日一早起忙完家中各人出門自己食完早餐都出門買餸轉2程車先到，入屋又好忙先睇BB同媽咪後就清潔奶樽後就準備薑水，湯，午餐，燉湯，小食，糖水，趕12點半左右午餐，午餐後清理碗碟後就同BB 沖涼餵奶，跟住就準備晚餐，清洗BB衫同奶樽泵奶器等，5點左右就飲燉湯配小食，搞搞搞又6-7點先收工，通常5點半一定收唔到工，初頭個幾星期多數7點前左右走，頭2日就更遲，到第3星期穩定就會6點幾可以收工，通常會訓練BB4個鐘一餐，咁晚間就更容易處理，頭個星期忙喺跟媽咪奶量，身體情況，BB每餐食幾多後可以耐啲，掌握好就更好處理，呢個BB好乖食飽就瞓，最特別喺大，小便前一定叫，痾完就繼續瞓，所以一定要睇下咩嘢事，如果大便就一定換片咁pat pat先唔會容易爛，踏入第三個星期尾BB開始夜晚可以多過5個鐘，媽咪可以有得更長時間訓，最開心媽咪掌握到泵奶，初期的30ml到我完工已經可以150ml，頭2星期完全搞唔掂媽咪每次都喺20-30ml，我以為喺泵問題就叫她換一個或借家姐一試，點知用她姐姐的可出70咁她姐姐都好好立即送一套比阿妹，後來先發現喺媽咪未太清楚，力度唔夠喺出唔到，媽咪開始想放棄反正開工都唔再餵，我只有解釋就算開工難安排放假呢段時間都可以，講出人奶對媽咪同BB都好，叫她想就再試，跟住媽咪認真去做配合埋我的湯水BB由少少食到我完工已經差唔多可全人奶，可以安心完工

多謝媽咪給我完工的信同利市

完工同媽咪BB 影張相留念

BB 表情多多，日間已經開始瞓得少要搵人講嘢

而家食飽通常玩個半鐘左右就開始瞓有時要人推下講下就瞓，但有時就自己瞓好叻仔

部份的午餐

其中一晚只有媽咪一個就整個簡單的飯

煲魚湯時一定先煮一杯濃濃好似牛奶的魚湯後再加其它去煲主湯

煎蛋角12朝媽咪食得蛋

唔辣的麻婆豆腐等媽咪食多啲飯

芝麻醬煮墨魚滑釀豆卜好多媽咪都喜歡

蓮藕餅又喺每個媽咪都喜歡

簡單香煎三文魚

蝦仁炒蛋

滿月送比BB 同媽咪的蛋糕同紅雞蛋祝她們健康幸福

呢個媽咪滿月咩嘢都覺得唔需要做，我就送她們咕嚕蝦食咗成世開心笑哈哈

晚餐簡單肉醬意粉配牛肉炒露筍

坐月必食嘅薑蛋炒飯

媽咪喜歡甜品，每日午餐後必有不同的甜品，甜品幾飽都食到，燉湯的小食可以唔配或少少就可以

其中一款的木瓜雪耳窩蛋紅棗糖水

蓮子百合雪蓮子紅棗糖水

自家製嘅糯米酒小丸子