上環異國風情打卡餐廳朋友搬咗去港島區住，帶我試吓呢間餐廳
一入門口就覺得間餐廳花咗好多心思佈置
由進門一刻一路上二樓，每個位置都充滿異國風情
裝修風格有點似土耳其風和摩洛哥風
令我忍不住不停影相打卡
![]()
![]()
![]()
上到二樓我哋選一個角落位
坐低嘅時候其實感覺有啲逼
但都唔會打消我哋打卡嘅興致
當日落大雨都好多人嚟，好快就坐滿成間餐廳
我哋點咗幾樣就再周圍影吓相
黑松露野菌意大利飯（素）$138
意大利飯軟稔中帶點煙韌
啖啖飯都散發著香濃黑松露，好滋味
法式龍蝦包 配法式香辣薯條 $158
香辣薯條香脆可口，唔算好辣
龍蝦包就有點可惜，不是用焗過嘅包
而是採用軟包，欠缺香脆口感
包內卻有不少龍蝦肉，搶回不少分數
路易安娜斯蟹餅 配 奇津沙律汁伴芒果莎莎 $118
呢個小食幾好味，絲絲蟹肉伴隨清新芒果莎莎
味道恰到好處，非常之夾，不錯
Pink Lady (Lychee & Grapefruit) $65
幾鍾意餐廳嘅Logo 印咗落玻璃杯上
Logo設計幾特別
味道清新少甜，夏日清爽之選
熱愛咖啡嘅朋友點咗Rose Latte $53
香濃中帶點玫瑰香味，邊飲邊聞
至高享受
當日我哋見到隔離枱食個下午茶都好鬼靚
不過我未食Lunch所以今次食主菜
下次再食下午茶
