品嚐滋味星馬佳餚 ❤ 黃金海岸。沙嗲軒 Satay Inn

Happy Friday 最好梗係同一班好友去食好野啦!!!
上星期跟幾位朋友來到世門黃金海岸酒店品嚐好味既星馬菜''*

說實話已經好耐冇黎過黃金海岸啦~
記得細個個時媽咪有帶過我黎行街影相, 同埋去過個沙灘玩架''*
最近期都係好幾年前黎食過 Buffet, 真係令人懷念!!!

這次是品嚐於黃金海岸酒店內的餐廳 ~ 沙嗲軒 Satay Inn
他們是著名本地食府, 提供正宗既星馬菜式!!!

餐廳燈光光猛整潔, 而且地方十分寬敞~
而且更設有露天座位, 仲可以欣賞園林景色!!

我們更發現卡位內設有兩個插頭位置, 可以給我們為手機充電''*
(其實是我們佔用了嗎??? 應該有別的用途吧!!)

這就是當天的 Menu 啦~~
由頭盤到主菜及甜品都充滿星馬風味, 亦是我們吃星馬茶常點的菜式啊''*
睇完 Menu 已經滿心期待了!!!

我們先點了飲料, 包括香橙雜飲, 青檸梳打及熱薏米水''*
雖然天氣有點寒冷, 不過我都要來一杯青檸梳打解解渴~
清新的味道, 為豐富的晚餐前開一開胃!!!

❤ 雞肉及豬肉沙嗲

作為頭盤沙嗲串燒, 係平時必食之選!!!
這裡的沙嗲醬非常特別, 帶有花生碎粒, 可以增加口感；
仲混入了菠蘿蓉, 令醬汁多了份酸酸甜甜的味道, 特別醒胃''*

雞肉串燒燒得剛剛好, 十分香口惹味~
反而豬肉串燒就稍為乾嚡, 下次有機會想試埋個牛肉串燒添!!!

❤ 家鄉福建薄餅

薄餅皮煙煙韌韌, 內裡包著滿滿的餡料!!!
內裡有生菜, 蛋絲, 蝦肉, 豬肉絲, 紅蘿蔔絲等等的餡料~
而且仲帶有少少辣味, 口感很豐富及有層次感''*

❤ 肉骨茶

這裡的肉骨茶沒有馬來西亞那麼濃烈的藥材味道, 較適合香港人口味''*
味道絕不苦澀, 而且內裡材料十足, 有鮮菇, 肉排及杞子等~~
鮮菇及肉排非常入味, 已經好軟腍, 不錯喔!!!

另外仲配有油條粒, 可自行加到肉骨茶內一同進食~
不喜歡加入肉骨茶的話, 更備有兩款醬料可用來調味!!
而我就喜歡沾滿肉骨茶味道的油條粒, 一啖過食令人感覺滿足''*

❤  招牌海南雞

海南雞的賣相不錯, 顏色也不錯, 皮肉相連~
已去骨的海南雞, 皮薄有光澤但不油膩, 肉質嫩滑肥美!!

每人更備有個人的醬料, 不用與友人共用''*
醬料有辣醬, 甜豉油及薑蓉, 我最喜歡點上甜豉油, 十分美味~
喜歡吃雞的我覺得這海南雞好正, 果然係招牌菜!!!

❤ 星洲焗胡椒蟹

好巨型既胡椒蟹, 未上台已經聞到陣陣胡椒香''*
喜歡食海鮮既我對這道菜滿心期待啊~

細心的廚師既幫胡椒蟹拆件及將蟹鉗預先把殼輕輕敲碎~
最正的莫過於兩隻大蟹鉗, 打開後大大舊肉呈現眼前, 真係啖啖肉啊''*

爆香過的胡椒配上鮮甜的蟹肉真係絕配~
香脆的胡椒粒沒有蓋過蟹原本的鮮味, 好惹味香口!!!
食過翻尋味啊''*

❤ 巴東牛肉

香濃既咖喱配上好軟腍既牛肉~
這咖喱味道不辛辣, 且帶有甜的味道, 一定要撈飯食''*
牛肉軟腍唔難咬開又入味, 不錯!!!

❤ 馬來叻沙

帶有椰香及辣味的叻沙, 味道給椰奶中和了所以不算太辣~
份量很足料, 內裡有魚蛋,  雞絲, 蝦肉, 豆卜等配料, 十分豐富!!

瀨粉吸收了香濃的湯底味道, 使我一口氣吃完這碗叻沙''*
味道真是令人回味~~~

❤ 香辣通菜

通菜很爽口, 而且沒有炒得過老, 很鮮嫩!!!
但略嫌味道不夠辣~

❤ 馬六甲椰汁西米布甸

賣相可愛的椰汁西米布甸, 令愛好甜品的女士們忍不住口''*
一粒粒晶瑩彈滑的西米, 入口煙韌, 很有口感~
特別地由椰汁配上焦糖醬, 滲透入西米布甸內, 不太甜但能帶出焦糖椰香味!!!
很有驚喜, 令這晚餐完美地作結~~

原來這是一道馬拉很流行的娘惹甜品喔!!!
所以這甜品係結合左中國菜與馬西菜風味的菜式黎架''*

(娘惹係由中國人及馬來西亞人通婚後的女性後代, 而他們都係定居係馬六甲)
最近剛巧看某電視劇而得知架~~~

與好友們享用了一餐美味的星馬菜, 特別滿足!!!
而酒店內的新年及情人節佈置亦好美, 好有氣氛呢~~


沙嗲軒 Satay Inn
地址：屯門青山公路1號香港黃金海岸酒店大堂
電話：2452 8822