鴨皇藥材燒臘大王(冷氣)海鮮樓(Restoran Ya Wang) – 又要排餐懵，希望值得啦。
燒鴨和叉燒的相貌異常吸引，而且真係香噴噴，望到流晒口水。
可樂(RM2.7) – 因為一支細啤酒也要RM25.4，貴得太過份，所以飲汽水。
藥材鴨下莊(RM25.4) – 鴨肉有肉味，燒鴨皮浸了汁口感半脆半腍，藥材汁美味有特包，好食，等了半個鐘也算值得。
叉燒(RM17) – 夠燶夠腍夠肉味，汁底超強，水準比得上燒鴨，是馬拉罕有的好味叉燒，難怪最快賣晒。
燒鴨店旁邊是另一檔 炭火湯粿條「亞華粿條」，雖然冇人龍但很想試埋，不過實在太飽食唔落了。
店內放了一罐墨西哥車輪鮑魚，好高級啊。
全日節目完畢，行路回酒店Capri by Fraser。
還有時間到健身室玩一會兒。
