最近見多位 Blog 友都在回應 Dennis 最近 post 的一些旅行習慣問卷, 搞到我又想玩埋一份 !
1) 喜歡有既定的行程，還是真的「自由」行？
由於多數係獨自出門 or 帶團 (即同行友人唔多參與行程計劃的), 所以通常會計劃好大概行程, 會寫下那些地方有咩玩, 有咩一定想去的, 去到了再加加減減, 尤其當我一個人去, 就更加隨意, 分分鐘係海邊坐半日, cafe 又坐半日, 咁就乜行程都唔洗架啦 ~
不過呢, 我就比較喜歡 search 定一些餐廳及其地址, 因為很怕招吃了遊客餐.
2) 出發前會做budget嗎？
好少, 因為機票同酒店通常都預訂好, 於那時候已經把了關, 我本身唔愛 shopping 的, 在當地的洗費有限.
3) 會帶多少衫呢？
睇天氣而定. 至少一日一件, 但如果知會玩活動, 就一定帶多件.
p.s. 其實我好少係旅程中洗衫, 但掉舊衫就成日都會.
4) 會帶香港的食品過去嗎？
唔會. 不過, 我會帶幾支便利裝琵琶膏 !
5) 會帶多少對鞋呢？
唔落水的, 一對. 外加用完可棄的酒店拖鞋.
6) 睡覺會開燈嗎？
唔會. 有咁黑得咁黑, 但行李內一定有電筒.
7) 會玩得天昏地暗、睡得日上三竿嗎？
唔會… 但亦唔會晨早起身趕著出發, 除非有活動.
8) 會換銀包嗎？
會… 通常會用有咁殘得咁殘的, 亦只會帶要用的 card only, cash 都唔會多.
9) 會帶飾物嗎？
唔會, 因為本身就唔戴的.
10) 會帶甚麼類型的底底呢？舊的？新的？紙的即棄？還是綿的即棄？
有舊的用舊, 用唔就掉. 冇咪包好帶番屋企洗.
